Ođđ nuõrttsääʹmǩiõllsaž Tiõrv! 1 liânt -digimateriaal lij õlmstõttum
Škooultõs -da mättmateriaalkoontâr lij õlmstâttam ođđ nuõrttsääʹmǩiõllsaž jiõnnmateriaal. Tiõrv! 1 liânt -digiooudas lij jiõnnmateriaal, kååʹtt kooll Tiõrv! Koltansaamen kurssi 1 -mättǩerjja da haʹrjjtõsǩerjja.
Materiaalräidd lij plaanuum B3 mättʼtõʹsse (sääʹmǩiõll veeʹres ǩiõllân, kååʹtt algg lookkjiškooulâst), leša materiaal suäpp vuõrâsoummi mättʼtõʹsse še.
Täävtõs lij nââneed lookkjiškooulneeʹǩǩ leʹbe mättʼtõõtti ceälkkmõõžž da mainstum ǩiõl fiʹttjummuž sääʹmǩiõl altteemkuursâst. Materiaal âânn seʹst ânnʼjõž jieʹnnǩiõl mainsteei lookkâm sääʹmarkiiv teeʹkstid še. Tõi veäkka šâdd hiâlpab ââʹnned arkiiv materiaalid.
Unni Länsman da Esther Berelowitsch lie raajjâm digiouddaz, mättǩeeʹrj da haʹrjjtõsǩeeʹrj kaartʼtõõzz lij pirstam Erja Taskinen. Mainsteei lie Raija Lehtola, Tiina Sanila-Aikio, Anna-Katariina Feodoroff, Ville-Riiko Fofonoff, Eeva Nykänen di Tauno Porsanger.
Mättǩeeʹrj teeʹkstid lij ǩeeʹrjtam Anna-Katariina Feodoroff Satu da Jouni Moshnikooff teeʹksti vuâđald.
Haʹrjjtõsǩeeʹrj teeʹkstid lie ǩeeʹrjtam Satu da Jouni Moshnikoff, Esther Berelowitsch di Tiina Sanila-Aikio.
- Tõn tiʹllai Sääʹmteeʹǧǧ nettkaaupâst: Tiõrv! 1 liânt digiǩeʹrjj
Lââʹssteâđ:
Esther Berelowitsch
Vs mättmateriaalplaaneei
044 746 7280
esther.berelowitsch@samediggi.fi
