Saaǥǥjååʹđteeʹjj Pirita Näkkäläjärvi mäcc puärrsiluõvâsvuõđâst vueʹssmannust 2026: II väärrsaaǥǥjååʹđteeʹjj Tuomas Aslak Juuso juätkk tõn räjja saaǥǥjååʹđteeʹj sâjjsiʹžžen
Saaǥǥjååʹđteeʹjj Pirita Näkkäläjärvi mäcc tuõjju 12.5.2026. Mäccmõõžž räjja jueʹtǩet saaǥǥjååʹđteeʹjjkååʹdd ääiʹjben suåppâm sâjjsažriâššmõõžživuiʹm. Näkkäläjärvi vuässââtt lââʹssen säʹmmlai meersažpeeiʹv johlla 6.2.2026.
Snimldõõǥǥâst Sääʹmteeʹǧǧ saaǥǥjååʹđteeʹjj Pirita Näkkäläjärvi (kõõskâst), I väärrsaaǥǥjååʹđteeʹjj Leo Aikio (čiʹǯsbeäʹlnn), da II väärrsaaǥǥjååʹđteeʹjj Tuomas Aslak Juuso (vuäʹljsbeäʹlnn). Snimldõk: Ville Fofonoff / Sääʹmteʹǧǧ
Sääʹmteeʹǧǧ saaǥǥjååʹđteeʹjjkåʹdd suåvi jooulmannust 2024 saaǥǥjååʹđteeʹjj Pirita Näkkäläjärvi puärrsiluõvâsvuõđ poddsaž sâjjsažriâššmõõžžin. Näkkäläjärvi sâjjsiʹžžen ođđeeʹjjmannust 2025 ääʹljeeʹl lij tåimmam II väärrsaaǥǥjååʹđteeʹjj Tuomas Aslak Juuso.
Saaǥǥjååʹđteeʹjj Näkkäläjärvi sektorvasttõõzz liâ juõkkum I väärrsaaǥǥjååʹđteeʹjj Leo Aikiooʹje da II väärrsaaǥǥjååʹđteeʹjj Tuomas Aslak Juusooʹje. Lââʹssen ääiʹjben liâ suåppum väärrsaaǥǥjååʹđteeʹji jiijjâz sektorvasttõõzzin di saaǥǥjååʹđteeʹjjkååʹdd õhttsaž vasttõsvuuʹdin.
Juõʹǩǩ jeeʹrab saaǥǥjååʹđteeikååʹdd vuäzzla vasttõõzz vueʹlnn liâ suu vasttõs-sektoorâs ceälkkmõõžž, eʹtǩǩõõzz, alttõõzz da peäʹlestvälddmõõžž di jeeʹres vaʹstteei äʹššǩeeʹrj.
Vueʹlnn listt vasttõsvuuʹdin saaǥǥjååʹđteeʹj puärrsiluõvâsvuõđ poodd:
Tuomas Aslak Juuso:
- tiuddvasttõs da šuurab proseeʹss
- budjeʹttääʹšš
- meeraikõskksaž tåimmʼmõš
- EU-ääʹšš
- sääʹmǩiõl
- ouddpeâmm
- škooultõsääʹšš
- sosiaal- da tiõrvâsvuõtthuâll
- õhttsažtuâjj Lappi pueʹrrvââjjamvuuʹdin
- jeeʹres sosiaalstaan
- eeʹttiǩ-kåʹddjoouki õhttsažtuâjjorgaan saaǥǥjååʹđteeʹj tuâj
- nuõriääʹšš
- gååradsäʹmmlai ääʹšš
- âʹbrrjohssääʹšš
Leo Aikio:
- jieʹllemvueʹǩǩ, vuõiggâdvuõtt da pirrõsääʹšš,
- sääʹmturismm
- aanarsäʹmmlaiääʹšš
- jieʹllemvueʹǩǩniiʹǩǩi sosiaalstaan
- Teän kuõskki ääʹšš
- Lappi-suåppmõšproseʹss
- kåʹddõhttsažtuâjj
- kulttuurääʹšš
- päärnaikulttuur-, jieʹllikartt- da musikk-kõõskõståimmʼmõš, Ǩiõttuâjjakatemia
- kulttuuräʹrbb
Saaǥǥjååʹđteeʹjjkåʹdd õõutsââʹjest:
- sääʹmteʹǧǧlääʹǩǩoođõs
- äimmõsmuuttâs, luâttjaauk
- tuõttvuõtt- da suåvâdvuõttproseʹss
- tâʹvvjânnmallaš sääʹmsuåppmõš
Lââʹssteâđ:
Tuomas Aslak Juuso
II väärrsaaǥǥjååʹđteeʹjj, saaǥǥjååʹđteeʹj sâjjsaž
040 687 3394
tuomas.juuso@samediggi.fi
Leo Aikio
I väärrsaaǥǥjååʹđteeʹjj
040 621 6505
leo.aikio@samediggi.fi
