Sääʹmteʹǧǧ ääʹjast šiõǥǥ Sápmi Pride!

Sápmi Pride jäʹrjstet juõʹǩǩ eeʹjj jeeʹresåʹrnn Sääʹmjânnmest. Šõddmõš älgg Pride-rääidain, koon mâŋŋa taʹrjjeeʹmest lij määŋgpeällsaž programm.

Sääʹmteʹǧǧ liippat Aanar Pride cisttân Sajoozzâst nuʹt Sääʹm da Lääʹdd liippivuiʹm ǥu sääʹm Pride-liippin. Sääʹmteeʹǧǧ šõddmõõžžâst eeʹttkâstt Sääʹmteeʹǧǧ vuäzzlaž Janne Hirvasvuopio.

Sápmi Pride nåårr âʹbrrjohssõutstõõzz õʹhtte da pohtt mij leämmʼmõõžž kuâsttjeeʹjen. Âʹbrrjohssõutstõõzz juõʹǩǩ vuäzzlast âlgg leeʹd vueiʹttemvuõtt jieʹlled Sääʹmjânnmest jiõčč jiõččnes da tobddâd åårrmes staanliʹžžen, Hirvasvuopio särnn.

Õõutverddsažvuõtt tääʹrǩes ärvvan Sääʹmteeʹǧǧest

Sääʹmteʹǧǧ âânn täʹrǩǩen tõn, što juõʹǩǩʼkaž vuäitt leeʹd jiõčč jiõččnes da vuässõõttâd õutstõõzz toiʹmmjummša õõutverddsen. Tän tuâj tuärjjan Sääʹmteʹǧǧ lij tuʹmmääm âʹbrrjohsspoliittlaž prograamm raajjmõõžžâst eeʹjj 2026 äiʹǧǧen. Prograamm täävtõsân lij õõuʹdeed säʹmmlai seksuaal- da sooǥǥpieʹlluuʹccbõõzzi  pueʹrrvââjjmõõžž da õõutverddsiʹžžen âânnmõõžž.

– Sápmi Pride lij tääʹrǩes mušttʼtõs tõʹst, što ooumažvuõiggâdvuõđ, õõutverddsažvuõtt da staanlaž õutstõs koʹlle pukid. Sääʹmteʹǧǧ haaʹlad jiiʹjjes tååimain õõuʹdeed sääʹmõõutstõõzz, koʹst juõʹǩǩkaž vuäitt tobddâd åårrmes primmum jiõčč jiõččnes, särnn Sääʹmteeʹǧǧ I väärrsaaǥǥjååʹđteei Leo Aikio.

Sääʹmteʹǧǧ ääʹjast pukid šiõǥǥ, staanlaž di räämmast da kaaunõõttmõõžžin tiudd Sápmi Pride!

Lââʹssteâđ Sápmi Pride sosiaalʼlaž media kanaalin: Facebook da Instagram

Lââʹssteâđ:

Leo Aikio
I väärrsaaǥǥjååʹđteei
040 621 6505
leo.aikio@samediggi.fi