Sääʹmteʹǧǧ jääʹrjast tuõttvuõtt- da suåvâdvuõttkomissio juätkktuõjju õhttneei saǥstõõllâmpooddid sääʹmõhttõõzzid
Sääʹmteʹǧǧ jääʹrjast čõõuč poodd saǥstõõllâmpooddid pieʹǩǩen sääʹm tuõttvuõtt- da suåvâdvuõttkomissio lopprapoort juätkktuâj. Poodd liâ jurddum sääʹmõhttõõzzi eeʹttǩeeʹjid da vuäzzlaid.
Sääʹmõhttõõzzid jurddum kåččkueʹsspooddin täävtõssân lij raajjâd sââʹjj õhttsaž saǥstõõllmõʹšše, koʹst vueiʹtet õõutsââʹjest smiõttâd suåvâdvuõđ vueiʹtlvažvuõđid, taarbid da määinaid sääʹmõutstõõzz seʹst.
– Saǥstõõllâmpooddi miârktõssân lij kuullâd sääʹmõutstõõzz vuäinalm tõʹst, mâin õõudldõõzzin tuõttvuõtt- ja suåvâdvuõttkomissio lopprapoort mâŋŋa suåvâdvuõtt-tuâj õõlǥči juäʹtǩǩed di taʹrjjeed vueiʹtlvažvuõtt õhttsaž saǥstõõllmõʹšše suåvâdvuõđ miârktõõzzâst sääʹm-meera, särnn Sääʹmteeʹǧǧ saaǥǥjååʹđteeʹjj Pirita Näkkäläjärvi.
Saaǥǥjååʹđteeʹjj Näkkäläjärvi ääʹvad pooddid. Pääiʹǩ âʹlnn liâ še Sääʹmteeʹǧǧ halltõõzz eeʹttǩeeʹj kuullmen õutstõõzz vuäinlmid da vuässõõttmen saǥstõõllmõʹšše. Lââʹssen mieʹldd liâ tuõttvuõtt- da suåvâdvuõttaaʹšši äʹšštoobdi vuâđđeʹmmen nuʹt čeäppõõzzlaž čuäjtõõzzid ǥu loŋŋteʹmmen vuässõõđjid saǥstõõllmõʹšše. Vuässõõttâd vuäitt še ougglõsõhttvuõđin.
Pooddid leät koččum sääʹmõhttõõzzi eeʹttǩeeʹjid vuäzzlaineez, tõk jeäʹla ääv ǩiiččeeʹjid.
Sääʹmteʹǧǧ tuejjad pueʹrmõõzz poodd tuâj säʹmmlai tuõttvuõtt- da suåvâdvuõttkomissio lopprapoort eʹtǩǩõõzzi ooudâsviikkâm diõtt. Saǥstõõllâmpoodd liâ pieʹǩǩ tän tuâj nooreeʹl õʹhtte sääʹmõutstõõzz vuäinlmid suåvâdvuõtt-tuâj juätkkmõõžžâst da tõn pueʹttiääiʹjest. Sääʹmteʹǧǧ jeäll vuârrsaǥstõõllmõõžž še ouddmiârkkân nuõrttsaaʹmi siidsåbbar, Sääʹmpaalǥâskååʹdd rõ, sääʹmvuuʹd paalǥâskooʹddi da Teän vueʹsspieʹllkooʹddivuiʹm tuõttvuõtt- da suåvâdvuõtt-tuâjast.
Lââʹssteâđaid vuäǯǯak:
Pirita Näkkäläjärvi
Saaǥǥjååʹđteeʹjj
044 753 3766
pirita.nakkalajarvi@samediggi.fi
