Sääʹmteʹǧǧ šiõttii kolmm ođđ luʹvddkååʹdd raaveed säʹmmlai jiõččvaaldâšm kõskksai tåimmsuõʹrjin
Sääʹmteʹǧǧ šiõttii såbbreʹstes 3/2026 ođđ tuâjjriâššmõõžž meâldlânji kolmm ođđ luʹvddkååʹdd veâl åårrai vaalpââjas. Ouddpeâmmluʹvddkåʹdd, meeraikõskksaž alggmeer- da EU-aaʹšši luʹvddkåʹdd di tuʹtǩǩeemeettlaž suåvtõs vaʹsttee kõskksaž tåimmsuõʹrji valmštõõllmõõžžâst da ooudâsviikkmõõžžâst di raavee säʹmmlai ǩiõlʼlaž da kulttuursaž vuõiggâdvuõđi teâuddjummuž.
Lääʹdd Sääʹmteʹǧǧ vuäǯǯai sååbbar kõõut poodd meeraikõskksaž kuõʹssid. Snimldõõǥǥâst eeʹttǩeeʹj Anni Koivisto, Armi Palonoja, Marjaana Aikio, Tauno Ljetoff, saaǥǥjååʹđteeʹjj Pirita Näkkäläjärvi, ÕM alggmeerai vuõiggâdvuõđi äʹšštobddimekaniism (EMRIP) väärrsaaǥǥjååʹđteeʹjj Sheryl Lightfoot (anishinaabe), ÕM alggmeer-aaʹšši põõšši fooruum (UNPFII) saaǥǥjååʹđteeʹjj Aluki Kotierk (inuiitt) di eeʹttǩeeʹj Inka Musta da Anu Avaskari. Snimldõk: Pia Ruotsala-Kangasniemi, Sääʹmteʹǧǧ.
Luʹvddkooʹddi norrõõzzin lij lokku valddum säʹmmlai ǩiõlʼlaž da vooudlaž eeʹttkâsttmõš di vuäzzlai pueʹrr äʹšštobddmõš jiijjâz tåimmsueʹrjest. Saaǥǥjååʹđteeʹjj Pirita Näkkäläjärvi lij tååđvaž ođđ luʹvddkooʹddid.
– Rämmšam tõʹst, što nuʹt mäŋggaz sääʹm meerlažõutstõõzz vuäzzlain di sääʹmteʹǧǧeeʹttǩeeʹjin da -väärreeʹttǩeeʹjin vuõʹlǧǧe mieʹldd ođđ luʹvddkooʹddid. Ouddpeâmmluʹvddkååʹddest lij vääžnai tuâjj nuʹt jieʹnnǩiõllsai ǥu ǩiõllpieʹsspäärnai ǩiõl tuõʹllʼjummšest da ooudâsviikkmõõžžâst. Lââʹssen rämmvuâđam nuõri jõnn meäʹrest meeraikõskksaž alggmeer- da EU-aaʹšši luʹvddkååʹddest, što sij jiõn kuulât jeäʹrbi mieʹldd alggmeer- da ooumažvuõiggâdvuõttaaʹššin, särnn Pirita Näkkäläjärvi.
Näkkäläjärvi vaʹlljeeš tuʹtǩǩeemeettlaž suåvtõõzz saaǥǥjååʹđteeʹjen.
– Muu saaǥǥjååʹđtem tuʹtǩǩeemeettlaž suåvtõs puätt raajjâd âʹldd õhttsažtuâj sääʹmtuʹtǩǩeeʹji da akatemiain veiddsubun še jeäʹrben, ǥu äʹlǧǧep oođeed ouddmiâsttmõõžži miõttâmproseeʹss, Näkkäläjärvi särnn.
Ouddpeâmmluʹvddkåʹdd raavad sääʹmǩiõllsaž ouddpeâmm
Ouddpeâmmluʹvddkåʹdd vaʹsttad jeäʹrbi mieʹldd sääʹm ouddpeâmm ooudâsviikkmõõžžâst da valmštõõllmõõžžâst di veekk ooudâs sääʹmpäärnai vuõiggâdvuõđid jiijjâsǩiõllsiʹžže da kulttuurmeâldlaž ouddpiõmmu. Luʹvddkååʹdd saaǥǥjååʹđteeʹjen vaʹlljeeš Leena Niittyvuopio-Jämsä ja väärrsaaǥǥjååʹđteeʹjen Aslak Pekkala.
Ouddpeâmmluʹvddkååʹdd norrõs
Saaǥǥjååʹđteeʹjj: Leena Niittyvuopio-Jämsä (väärrvuäzzlaž: Aili Nuorgam)
Vääʹrrsaaǥǥjååʹđteeʹjj: Aslak Pekkala (Ainomaija Mäenpää)
Vuäzzlaž: Inka-Maaria Näkkäläjärvi (Sanna Magga)
Vuäzzlaž: Katja Magga (Juha Alakorva)
Vuäzzlaž: Lávra Länsman (Mika Aikio)
Vuäzzlaž: Taina Ketola (Nils-Heikki Magga)
Vuäzzlaž: Irene Fofonoff (Teemu Titola)
Meeraikõskksaž alggmeer- da EU-aaʹšši luʹvddkåʹdd veekk ooudâs säʹmmlai vuõiggâdvuõđin Euroopp unioonâst da meeraikõskksaž tääʹzzest
Luʹvddkååʹdd tuâjaid kooll jeäʹrbi mieʹldd valmštõõllâd da tiuʹdde piijjâd Sääʹmteeʹǧǧ EU- da meeraikõskksaž aaʹšši strategia di viikkâd ooudâs säʹmmlai vuässadvuõđ EU tåimmorgaani tuʹmmstõktuâjast. Luʹvddkååʹdd saaǥǥjååʹđteeʹjen vaʹlljeeš Janne Hirvasvuopio da väärrsaaǥǥjååʹđteeʹjen Inka Musta.
Meeraikõskksaž alggmeer da EU-aaʹšši luʹvddkååʹdd norrõs:
Saaǥǥjååʹđteeʹjj: Janne Hirvasvuopio (väärrvuäzzlaž: Helmi Ljetoff)
Väärrsaaǥǥjååʹđteeʹjj: Inka Musta (Anni-Sofia Löf)
Vuäzzlaž: Enni Similä (Tuomas Aslak Juuso)
Vuäzzlaž: Aslak Holmberg (Rosa-Máren Juuso)
Vuäzzlaž: Alisa Katajamaa (Jon-Erik Näkkäläjärvi)
Vuäzzlaž: Sárá-Márjá Keskitalo, Suäʹđjel (Tiia-Káren Alakorva)
Vuäzzlaž: Joni Gauriloff (Vesa Orassalo)
Tuʹtǩǩeemeettlaž suåvtõs oođad ouddmiâsttâmproseeʹss
Ođđ tuʹtǩǩeemeettlaž suåvtõs veekk ooudâs da vuäpp säʹmmlaid kuõskki tuʹtǩǩummuž eettlaž vuäppõõzzi teâuddjummuž da lokku välddmõõžž di ouddmiârkkân tuʹmmai õhttsallaž ouddmiâsttmõõžž miõttmõõžžâst tuʹtǩǩummšid. Suåvtõõzz saaǥǥjååʹđteeʹjen vaʹlljeeš Pirita Näkkäläjärvi da väärrsaaǥǥjååʹđteeʹjen Tauno Ljetoff.
Tuʹtǩǩeemeettlaž suåvtõõzz norrõs:
Saaǥǥjååʹđteeʹjj: Pirita Näkkäläjärvi (väärrvuäzzlaž Janne Hirvasvuopio)
Vääʹrrsaaǥǥjååʹđteeʹjj: Tauno Ljetoff (Tuomas Aslak Juuso)
Vuäzzlaž: Heidi Eriksen (Leena Niittyvuopio-Jämsä)
Vuäzzlaž: Inka Musta (Marjaana Aikio)
Vuäzzlaž: Tuula-Maija Magga-Hetta (Nilla Tapiola)
Såbbar äʹššliistâst še jm. tiillǩčiõlǥtõs da mieʹrrteäʹǧǧeʹtǩǩõõzz
Ođđ luʹvddkooʹddi lââʹssen tiuddsååbbar priimi sääʹmteeʹǧǧ eeʹjj 2025 tiillǩiõrǥtõõzz di eʹtǩǩõõzzid jeeʹres tåimmsuõʹrji mieʹrrteäʹǧǧen eeʹjj poʹdde 2028. Lââʹssen såbbrest jiõʹlleš vuõlttõs-saǥstõõllmõš Sääʹmteeʹǧǧ raammeʹtǩǩõõzzâst iiʹjjid 2028–2031. Tiuddsååbbar miõđi še Anni Saara Aikiooʹje čåuddõõttmõõžž sääʹm ǩiõllsuåvtõõzz vuäzzlažvuõđâst da nõõmti suu sâjja Unna-Maari Pulska. Såbbar looppâst Sääʹmteʹǧǧ äʹjsti leekk kulttuurluʹvddkååʹdd saaǥǥjååʹđteeʹj Anu Avaskari 70-ekksažšõddâmpeeiʹv diõtt.
Lââʹssteâđaid oudd:
Näkkäläjärvi Pirita
Saaǥǥjååʹđteeʹjj
044 753 3766
pirita.nakkalajarvi@samediggi.fi
