Sääʹmteʹǧǧlääʹjj ǩiõttʼtõõllmõš juätkkai eeʹttiǩ-kååʹddest 19.6.
Eeʹttiǩ-kåʹdd lij täʹbbe 17. ǩieʹssmannust alttääm sääʹmteʹǧǧlääʹǩǩeʹtǩǩõõzz nuuʹbb ǩiõttʼtõõllmõõžž. Ǩiõttʼtõõllmõõžžâst tuejjeeš eʹtǩǩõs lääʹǩǩeʹtǩǩõõzz hiâlǥummšest da tän diõtt ǩiõttʼtõõllmõõžž jueʹtǩet 19. ǩieʹssmannust čiâss 10 aʹlǧǧi tiuddišttmest.
Snimldõk: Lehtikuva/ Mikko Stig
Eʹtǩǩõõzz lääʹǩǩeʹtǩǩõõzz hiâlǥummšest tuejjii eeʹttiǩ-kåʹddneǩ Hannu Hoskonen (kõõs.). Eʹtǩǩõõzz kaʹnnti eeʹttiǩ-kåʹddneǩ Petri Honkonen (kõõs.).
Eeʹttiǩ-kåʹdd tuʹmmji seärad 11. ǩieʹssmannust sääʹmteʹǧǧlääʹjj siiskõõzzâst lääʹǩǩeʹtǩǩõõzz vuõssmõs ǩiõttʼtõõllmõõžžâst. Vuõssmõõzzâst ǩiõttʼtõõllmõõžžâst priʹmmeš halltõõzz eʹtǩǩõʹsse HE 100/2023 vp seʹst õõʹnni 1. da 2. lääʹǩǩeʹtǩǩõõzz siiskõs vuâđđlääʹǩǩvälljkååʹdd smiõtldõõǥǥ meâldlânji.
Lââʹssteâđ:
Pirita Näkkäläjärvi (17.-18.6.)
Saaǥǥjååʹđteeʹjj
040 7533 766
pirita.nakkalajarvi@samediggi.fi
Leo Aikio
I väärrsaaǥǥjååʹđteeʹjj
040 621 6505
leo.aikio@samediggi.fi
Tuomas Aslak Juuso
II väärrsaaǥǥjååʹđteeʹjj, saaǥǥjååʹđteeʹj sâjjsaž
040 687 3394
tuomas.juuso@samediggi.fi
