Sääʹmteeʹǧǧ vaal-luʹvddkåʹdd ååcc koontârpiisar sâjjsa
Sääʹmteeʹǧǧ vaal-luʹvddkåʹdd iʹlmmat ooccâmnalla koontârpiisar veeʹrjsâjjsažvuõđ.
Koontârpiisar tuâjjan lij vaal-luʹvddkååʹdd vuâllsiʹžžen ââʹnned huõl eeʹjj 2027 sääʹmteʹǧǧvaali valmštõõllma di tiuʹddepiijjmõʹšše kuulli tuâjain, kook lie jm. pueʹtti da vuõʹlǧǧi pååʹšt diariâsttmõš, vaaläʹššǩiiʹrji pååštʼtummuž valmštõõllmõš, äʹššǩiiʹrji kopiâsttmõš da pååštʼtummuš di jeeʹres takai koontârtuâj da vaal-luʹvddkååʹdd piisar jeäʹrben mieʹrreem tuâj.
Kääzzkõskõskkvuõđ teâđ
Sâjjsažvuõtt älgg 20.7.2026 leʹbe suåppmõõžž mieʹldd da tõt juätkkai 28.2.2027 räjja.
Tuâj teâuddmõõžžâst jääʹǩǩtet kooum määnpââʹj ǩiččlõddâmääiʹj.
Vaal-luʹvddkååʹdd tåimmpäiʹǩǩ lij sääʹmkulttuurkõõskõs Sajoozzâst, Aanrest.
Ooʒʒjest vueʹrddep
Šiõttõsvuâđlaž ââʹntemõõlǥtõssân lij tuõjju suåvlaž škooultõs da sääʹmǩiõl täidd (Sääʹmteeʹǧǧ tuâjjriâššmõš 71 §). Ǩiõččlâsttmõš vaal-luʹvddkååʹdd tuâjain ǩiõččât pueʹrren.
Päʹlǩǩvuõtt
Päʹlǩǩ meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz VI ja II joouk mieʹldd (vuâđđpäʹlǩǩ 2 192,12 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 15.6.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd vaal-luʹvddkååʹdd piisar Maria Valkeapää teʹl. 040 530 9513.
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi
Aanrest 1.6.2026
Sääʹmteʹǧǧ
