Sääʹmteeʹǧǧ vaal-luʹvddkåʹdd ååcc valmštõõllipiisar
Sääʹmteeʹǧǧ vaal-luʹvddkåʹdd iʹlmmat ooccâmnalla valmštõõllipiisar mieʹrräiggsaž veeʹrj.
Valmštõõllipiisar tuâjjan lij sääʹmteeʹǧǧ vaal-luʹvddkååʹdd vuâllsiʹžžen toiʹmmjed aaʹšši valmštõõllʼjen da čuäʹjtõõllʼjen, ââʹnned huõl eeʹjj 2027 sääʹmteʹǧǧvaali valmštõõllma da toimmupiijjma kuulli tuâjain di vaal-luʹvddkååʹdd piisar jeeʹrben meäʹrreem tuâjain.
Kääzzkõsvuõđ teâđ
Mieʹrräiggsaž veʹrǧǧ älgg suåppmõõžž mieʹldd ođđeeʹjj-täʹlvvmannust da juätkkai 31.12.2026 räjja. Vueiʹtlvaž juätkast suåvât jeeʹrben. Veʹrǧǧkõskkvuõđ teâuddmõõžžâst ââʹnet neellj määnpââʹj ǩiččlõddâmääiʹj.
Vaal-luʹvddkååʹdd tåimmpäiʹǩǩ lij sääʹmkulttuurkõõskõs Sajoozzâst, Aanrest. Tuâjj õõudald Sajoozzâst tuejjummuž.
Ooccjest vueʹrddep
Šiõttõsvuâđlaž åâʹntemkaiʹbbjõsân lij tuõjju šiõttlõs škooultõs da lââʹssen kaiʹbbjet sääʹmǩiõl tääid (asetõs 1727/95). Harjjnummuž vaal-luʹvddkååʹdd tuõjju ǩiõččât pueʹrren.
Veeʹrj oʹnnsteeʹjjes håiddmõš kaiʹbbai šiõttlõs õllškooultuʹtǩǩõõzz, šiõǥǥ vaaldšmallaš tuâjai tobddmõõžž, vaalmâšvuõđ jiõččnaž tuejjummša, šiõǥǥ organisâʹsttem- da teäddseännamprossi, di čiõlgg ǩeerjlaž saaǥǥtemtääid lääʹdd ǩiõʹlle.
Paʹlǩǩummuš
Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV da II joouk mieʹldd (vuâđđpäʹlǩǩ 2998,82 euʹrred/mp). Vuâđđpääʹlǩ õõl määuʹset säʹmmlai dommvuuʹdest tueʹjjeʹmmen 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid.
Ooccmõš
Ooccâmlomaakk, di jiõččtäättlaž jiijjad maall mieʹldd ǩeeʹrjtum ooccâmǩeeʹrj di vueiʹtlvaž tuâjjpäiʹǩǩloǥstõõǥǥ da jeeʹres meâlddõõzzid âlgg tooiʹmted Sääʹmteeʹǧǧ piisarkådda 11.1.2026 räjja mõõneeʹst tän liâdglaž ooccâmlomaakk pääiʹǩ (ävvan ođđ ikkna): Ooccâmlomakk
Lââʹssteâđ tuâjast ouʹdde vaal-luʹvddkååʹdd piisar Maria Valkeapää teʹlf. 040 530 9513 da vaal-luʹvddkååʹdd valmštõõllipiisar Sinikka Mäkinen, teʹlf. 044 705 7160
Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.
Aanrest 18.12.2025
Sääʹmteʹǧǧ
