Sääʹmteʹǧǧ ååcc jieʹllemvueʹǩǩpiisar

Sääʹmteeʹǧǧ jieʹllemvueʹǩǩpiisar tuâj liâ looǥǥtõllum Sääʹmteeʹǧǧ tuâjjriâššmõõžžâst pääiʹǩest 26 c §. Jieʹllemvueʹǩǩpiisar tuâjjan lij jm. valmštõõllâd säʹmmlai jieʹllemvuõʹjjid da tõi ooudâsviikkmõʹšše õhttneei aaʹššid lokku vääʹldeeʹl säʹmmlai äʹrbbvuõđlaž teâtt, valmštõõllâd tåimmsuõʹrjes beäʹlnn sääʹmvuuʹd mäddâânnmõõžž kuõskki di vaaiktõõzzi beäʹlest tok vuällai aaʹššid di tåimmad jieʹllemvueʹǩǩ- da vuõiggâdvuõttluʹvddkååʹdd čiõlǥteeʹjen.

Kääzzkõskõskkvuõđ teâđ

Põõššinalla åårrai tuâjj älgg suåppmõõžž mieʹldd vueiʹtlva sõrgg.

Veeʹrj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.

Jieʹllemvueʹǩǩpiisar tuâjj sâjjdâtt sääʹmteeʹǧǧest takai konttra. Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst Aanrest. Tuâj lij vueiʹtlvaž tuejjeed vuäzzas ougglõstuâjjan.

Ooʒʒjest vueʹrddep

Šiõttõsvuâđliʹžžen ââʹntemõõlǥtõssân lij veeʹrj ooudldem škooultõs da lââʹssen õõlǥtet sääʹmǩiõl silttummuž (asetõs 1727/95). Tuâj oʹnnsteeʹjes håiddmõš õõlǥat pueʹrr sääʹmkulttuur da äʹrbbvuõđlaž teâđ tobddmõõžž, pueʹrr sääʹmjieʹllemvuõʹjji di sääʹmvuuʹd tobddmõõžž, ǩiõččlâsttmõõžž vaaldšemvuõđlai tuâjain di pueʹrr õhttsažtuâjj- da saǥstõõllâmtääidaid. Vueʹrddep samai pueʹr ǩeerjlaž õlmmummuž, jiõččnaž tuâjjnääʹl, pueʹrr organisâʹsttem- da teäddseännamoodd. Tuâj oʹnnsteeʹjes håiddmõõžž ooudâsvieʹǩǩat suåppi õllškooultuʹtǩǩõs.

Päʹlǩǩvuõtt

Paʹlǩǩvuõtt meäʹrtââvv Sääʹmteeʹǧǧ paʹlǩǩvuõttriâžldõõǥǥ väʹǯǯelvuõtt-tääʹzz IV/II mieʹldd, vuâđđpäʹlǩǩ 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.

Ooccmõš

Ooccâmlomakk, di jiõččtäättlaž, jiijjâz maʹlle ǩeeʹrjtum ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz (ǩeerjlaž tuõđštõõzz ǩiõlltääidast da tuʹtǩǩõõzzin) âʹlǧǧe tååimted Sääʹmteeʹǧǧ piisarkådda 30.4.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna). Ooccâmlomakk

Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. 010 833 106.

Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi.

Aanrest 1.4.2026
Sääʹmteʹǧǧ