Sääʹmteʹǧǧ ååcc mättmateriaalpiisar veeʹrjsâjjsa

Mättmateriaalpiisar tuâj lie meäʹrtõllum Sääʹmteeʹǧǧ tuâjjriâššmõõžž 40 §:st. Mättmateriaalpiisar jm. valmštââll sääʹmǩiõllsaž mättmateriaal puuʹtʼtummuž kuõskki aaʹššid, vaaldaš mättmateriaalmieʹrrtieʹǧǧ âânnmõõžž, toiʹmmai valmštõõllʼjen mättmateriaalaaʹššin jeeʹres tåimmorgaanin, seuʹrrai mättmateriaalǩeeʹddest šõddi õuddnummuž, mättʼtõsplaan di kooll materiaali valmštummšest uʹčteeʹlid.

Mättmateriaalprojeeʹktid kuulli tuâjain mättmateriaalpiisar toiʹmmai nâânn õhttsažtuâjast mättmateriaalplaanʹjivuiʹm.

Kääzzkõskõskkvuõđ teâđ

Sâjjsažvuõtt älgg suåppmõõžž mieʹldd da sõõrǥmõõzz mieʹldd da tõt peštt eeʹjj 2026 loopp räjja, vueiʹtlvânji kuuʹǩǩben.

Tuâj teâuddmõõžžâst ââʹnet neellj määnpââʹj ǩiččlõddâmääiʹj.

Mättmateriaalkonttâr tåimmpäiʹǩǩ lij Sääʹmkulttuurkõõskõs Sajoozzâst, Aanrest, leša tuâj vuäitt tuejjeed vuäzzas ougglõstuâjjan.

Ooccjest vueʹrddep

Šiõttõsvuâđlaž ââʹntem-mäinnan lij veeʹrj õudldem škooultõs da lââʹssen kaiʹbbjet sääʹmǩiõl tääid (asetõs 1727/95). Veeʹrj oʹnnsteeʹjjes håiddmõš kaiʹbbai šiõttlõs õllškooultuʹtǩǩõõzz, šiõǥǥ mättʼtõs- da mättmateriaalaaʹšši da vaaldšmallaš tuâjai tobddmõõžž, silttummuž riikkveäʹǩǩvuõđ vaaldšummšest, tääid vaaldšed obbvuõđid plaanmõõžžâst operatiivlaž čõõđ viikkma, šiõǥǥ õhttsažtuâjj- da organisâʹsttemtääidaid di čiõlgg ǩeerjlaž saaǥǥtemtääid.

Paʹlǩǩummuš

Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/II mieʹldd (vuâđđpäʹlǩǩ  2998,97 euʹrred/mp). Vuâđđpääʹlǩ õõl määuʹset säʹmmlai dommvuuʹdest tueʹjjeʹmmen 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid.

Ooccmõš

Ooccâmlomaakk, di jiõččtäättlaž jiijjad maʹlle ǩeeʹrjtum ooccâmǩeeʹrj di vueiʹtlvaž tuâjjpäiʹǩǩloǥstõõǥǥ da jeeʹres meâlddõõzzid âlgg tooiʹmted Sääʹmteeʹǧǧ piisarkådda 8.1.2026 räjja mõõneeʹst tän liâdglaž ooccâmlomaakk pääiʹǩ (ävvan ođđ ikkna): Ooccâmlomakk

Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi, pia.ruotsala@samediggi.fi, teʹlf. 040 726 2688 da škooultõspiisar Bigga-Helena Magga, bigga-helena.magga@samediggi.fi

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 18.12.2026
Sääʹmteʹǧǧ