Eʹtǩǩed Kåʹllǩiõll-ǩiõllciist vuäǯǯai
Eʹtǩǩõõzzid Kåʹllǩiõll – tâʹvvjânnmallaš sääʹmǩiõl ǩiõllciist vuäǯǯjen vuäitt kueʹđđed čõhččmannu 1. peeiʹv 2026 räjja. Ciist miõđât miârkteei tuâjast sääʹmǩiõli pueʹrren.
Kåʹllǩiõll-ǩiõllciist jueʹjjet 12. vuâra čâhčča 2026. Ciist miõđât privattooumže, jouʹǩǩe leʹbe organisaatiooʹje, kååʹtt lij oouʹdääm sääʹmǩiõli sââʹj leʹbe âânnmõõžž miârkteei naaʹlin.
Ciist miõttmõõžž lie alttääm Lääʹddjânnam, Ruõcc da Taar sääʹmaaʹššin vaʹstteei ministeeʹr di täi jânnmi Sääʹmtiiʹǧǧi saaǥǥtuõʹllʼjeei. Tõt lij juõkkum juõʹǩǩ nuuʹbb eeʹjj eeʹjj 2004 rääʹjest, da ciist ärvv lij 15 000 euʹrred.
Ǩiõllciist täävtõssân lij tuärjjeed sääʹmǩiõli oouʹdummuž, ooudâs viikkmõõžž da seeiltummuž Lääʹddjânnmest, Ruõccâst, Taarâst di Ruõššjânnmest.
Eʹtǩǩed ciist vuäǯǯai
Ǩiõllciist vueiʹtet miõttâd privattoummuid, jooukid, õutstõõzzid, õhttõõzzid leʹbe stroiʹttlid, kook lie oouʹdääm miârkteei naaʹlin sääʹmǩiõlid ǩeerjlânji, njäälmlânji leʹbe jeeʹres ååʹblǩest. Ciist vueiʹtet jueʹǩǩed še määŋg vuäǯǯai kõõsk.
Privattoummu, õutstõõzz, stroiʹttel da veʹrǧǧneeʹǩǩ pirr sääʹmvuuʹd vuäiʹtte tuejjeed eʹtǩǩõõzzid. Eʹtǩǩõõzz tuejjeet ǩeerjlânji, da tõõzz õhtteet jäänmõsân kueiʹt seeid kokksaž vuâđđtõõllmõõžž.
Eʹtǩǩõõzzid âlgg tååimted mââimõõzzâst 1.9.2026 juʹn-a neʹttpooʹštin leʹbe pååʹšt mieʹldd mättʼtõs- da kulttuurministeriaaʹje.
Neʹttpååʹštaddrõs: kirjaamo.okm@gov.fi
Pååʹštaddrõs:
Kåʹllǩiõll-ärvvtõõllâmkomitea
Kulttuur- da čeäppõspolitiikk vuässõk
Mättʼtõs- da kulttuurministeria
PL 29
00023 Riikksuåvtõs
