Kõõjjõs säʹmmlaid: Säʹmmlai vaʹǯǯtõõzz raaʹjid râstldeei sosiaalstaanâst
Sääʹmteʹǧǧ da Kela lie čuõlmmâm oođuum õhttsažtuâjjsuåppmõõžž eeʹjj 2021 koonn mieʹldd viiǥǥât ooudårra säʹmmlaid kuõskki sosiaalstaan da säʹmmlai ǩiõlʼlaž vuõiggâdvuõđid sääʹm ǩiõll-lääʹjj meâldlânji (15.12.2003/1086). Sääʹmteʹǧǧ da Kela saǥstâʹlle eeǥǥlânji õhttsažtuâjast.
Snimldõk: Johanna Alatorvinen
Eeʹjj 2025 õhttsažtuâjjsaǥstõõllmõõžžin vueʹssmannust tuʹmmeeš aalǥted tuâjj-joouk, koonn tuâjjan meäʹrteš čiõʹlǧǧeed saaʹmi vaʹǯǯtõõzzid raajjõhttsažtuâjjkõõččmõõžžin da kovveed še vaʹǯǯtõõzzid õuddmiârkivuiʹm. Täin kõõjjõõzzin
puuʹtʼtet teâđ tuâjj-jouʹǩǩe. Vaʹsttõõzzi vuâđald vueiʹtet še smiõttâd vueiʹtlvaž õõuʹdeempaaiʹǩid. Pââimõsân tän kõõjjõõzzâst lie jeäʹrben täk Kela miõttâm ouddõõzz raaʹjid râstldeei vueʹjjest; puärrsipeiʹvvtieʹǧǧ, päärnažlââʹss, Kela mäʹhssem reâuǥteʹmesvuõttstaan, puõʒʒâlmpeiʹvvteäʹǧǧ, säursmâttmõš di puõccihåidd raaʹjid râstldeei vueʹjjest.
Kõõjjõʹsse vuäitt vaʹstteed 5.2.2026- 23.2.2026 äiʹǧǧkõõskâst lääʹddǩiõʹlle da pukin koolm sääʹmǩiõʹlle.
Liŋkk kõõjjõʹsse käunnai tääiǥ:
https://link.webropolsurveys.com/S/AFECADEDB2C974FF
Lââʹssteâđaid ouʹdde
Sääʹmteʹǧǧ:
Riitta Lehtola-Kosonen, riitta.lehtola-kosonen(a)samediggi.fi, teʹlf. +358 44 777 4820
Marko Marjomaa, marko.marjomaa(a)samediggi.fi, teʹlf. +358 50 438 2484
KELA:
Kela Meeraikõskksaž aaʹšši siltteemkõõskõs international.affairs(at)kela.fi
