Sääʹmteeʹǧǧ såbbar 14.4. jäʹrjstet ougglõsõhttvuõđivuiʹm
Sääʹmteeʹǧǧ såbbar 2/2025 jäʹrjstet vuõssaarǥ njuhččmannu 14. peeiʹv 2025 čiâss 9-16 tällõõzz šiõttlâʹttemtååimai diõtt ougglõsõhttvuõđivuiʹm. Oummu peäʹsse ǩiõččâd såbbar Zoom- ougglõsõhttvuõđ mieʹldd.
Sääʹmteeʹǧǧ riâššõõttâmsåbbar 23 - 24.9.2024. Snimldõk: Ville Fofonoff
Såbbrest ǩiõttʼtõõllâmnalla lie Sääʹmteeʹǧǧ takaivieʹǩǩtõõzz tällõsarvvlõseʹtǩǩõs eeǥǥas 2026, Sääʹmteeʹǧǧ paʹlǩǩõsvuâkkõõzz taʹrǩstummuš da eeʹttkõʹstti nõõmummuš Lappi pueʹrrvââjjamvuuʹd sääʹmǩiõl luʹvddkådda. Lââʹssen tiuddsååbbar âânn vuõlttõs-saǥstõõllmõõžž kääʹvvtummšest da mäddââʹnnemhaʹŋǩǩõõzzin sääʹm kulttuuʹre šõddi vaaiktõõzzi ärvvtõõllâm õõudâsviikkmõõžžâst di kooll Erva Niittyvuopio da Mari Valjakka äʹšštobddjen Säʹmmla ceerkvest –haʹŋǩǩõõzz lopprapoortâst.
Sääʹmteeʹǧǧ sååbbar tuʹmmii eeʹjj 2025 toiʹmmjemplaan õhttvuõđâst tällõõzz šiõttlâʹttemtååimain. Šiõttlâʹttemtååim kueʹsǩǩe vuõiggâdvuõttministeria Sääʹmtegga miõttâm takaiveäʹǩǩvuõđ, koin teäggtet takai-, tuâjjlažkåʹdd- da tällõsvaaldâšm, tuʹmmstõktuâj da poliittlaž toiʹmmjummuž. Šiõttlâʹttemtååimai tällõõzzlaž vaaiktõs lij obbvuõđstes Sääʹmteeʹǧǧ peäʹlnn 193 000.
Ǩiõčč såbbar Zoom-ougglõsõhttvuõđ pääiʹǩ
Piâzzak ǩiõččâd Sääʹmteeʹǧǧ såbbar Zoom-webinaar pääiʹǩ. Jiõk taarbâž jeeʹrab suåvldõõzz, peʹce vuäitak ǩiõččâd såbbar jiijjad neʹttplaađânj pääiʹǩ. Vuäitak kuuitâǥ haaʹleemad mieʹldd laađđâd suåvldõõzz Zoom seeidain. Såbbrest lij tuʹlǩǩõs tâʹvvsääʹmǩiõʹlle, aanarsääʹmǩiõʹlle, nuõrttsääʹmǩiõlle da lääʹddǩiõʹlle.
- Webinaar liŋkk: https://us06web.zoom.us/j/82766639361
- Såbbar 2/2025 äʹššlistt käunnai dokumeʹnttbaaŋkâst
Lââʹssteâđ:
Tuomas Aslak Juuso
Saaǥǥjååʹđteei sâjjsaž
040 687 3394
tuomas.juuso@samediggi.fi
Pia Ruotsala-Kangasniemi
Vaaldâšmjååʹđteei
040 726 2688
pia.ruotsala@samediggi.fi
