Seminaar (ouddkonfereʹnss): Äimmõsmuttâz vaaiktõs säʹmmlai tiõrvâsvuõʹtte da puârastvââjjmõʹšše: eettlaž da õutstõsvuâlǥaž âlddnemnääʹl tuʹtǩǩummšest
Jäʹrjstep õõutsââʹjest Tiõrvâsvuõđ da puârastvââjjmõõžž stroiʹttel (THL) da European Public Health Associationin Migrant and Ethnic Minority Health -juâkksin peeiʹv mettsa seminaar (ouddkonfereeʹns) äimmõsmuttâz vaaiktõõzzin säʹmmlai tiõrvâsvuõʹtte da puârastvââjjmõʹšše di eettlaž da õutstõsvuâlǥaž âlddnemnaaʹlin tuʹtǩǩummšest.
Snimldõk: Ville Fofonoff
Seminaar lij pieʹǩǩ European Public Health -konfereeʹns, kååʹtt põhtt skamm-mannust Heʹlssna meertiõrvâsvuõtt-tiõtti äʹšštobddjid da tuʹtǩǩeeʹjid juõʹǩǩåʹrnn Eurooppast.
Prograammâst jeäʹrbi mieʹldd:
- Ääʹveemsaakkvuâr: Sääʹmteeʹǧǧ saaǥǥjååʹđteeʹj sâjjsaž Tuomas Aslak Juuso di THL väʹlddjååʹđteeʹjj Mika Salminen.
- Eʹtǩǩõõzzid da saǥstõõllmõõžžid äimmõsmuttâz vaaiktõõzzin sääʹmõhttsažkååʹdd aʹrǧǧe da miõlltiõrvâsvuõʹtte, dekolonisaatiost tuʹtǩǩummšest di eettlaž tuʹtǩǩeemvuäppõõzzi suåvldummšest.
- Saǥstõõllmõõžž vaiddsab alggmeerai ǩiõččâmvueʹjjest da tõʹst, måkam määttaid vueiʹtet suåvlded še jeeʹres uuʹccbõsjoouki tuʹtǩǩummša.
Vuäitak vuässõõttâd tåʹlǩ seminaaʹre määuseeʹl 25 eeuʹr vuässõõttâm-määus. Mähss âânn seʹst kõskkpeiʹvvstuäʹl da kååʹffstuäʹl.
Vaʹrre päikkad iʹlmmtõõđeeʹl jåʹttlânji!
Iʹlmmtõõđ mieʹldd liiŋk pääiʹǩ da vaalâž iʹlmmtõõttâmpââʹjest vuõigg seminaar, leʹbe Pre-conference: Impact of climate change on the Sámi health and wellbeing: ethical and community-driven approaches (SAMI): https://ephconference.eu/register-107
Jõs leäk juʹn iʹlmmtõõttâm konferenssa, leša haaʹleʹčeǩ lââʹssen vuässõõttâd ouddkonfereʹnsse, vuõlttâd neʹttpååʹšt: registration(at)ephconference.eu.
- Äiʹǧǧ: mââibargg 11.11.2025 čiâss 9.00–17.00
- Päiʹǩǩ: Finlandia-talo (tääʹrǩab pääiʹǩ iʹlmmtet ilmmtõõttâm oummuid)
- Šõddmõõžž ǩiõllân lij eŋgglõsǩiõll.
Tääʹrǩab programm: https://ephconference.eu/2025-pre-conference-programme-738
