Duodji Akademiija 2027

Väʹlddtäävtõõzz da vaaiktõõzz: 

• Seeilted da nââneed sääʹmǩiõtt-tuâjj jieʹlli äʹrbbvuõttân, kååʹtt tuõʹllai kulttuursaž juätkkjemvuõđ da nâânad õõutstõõzz čõnnsid. 

• Nââneed sääʹmkulttuur ja kulttuuridentiteeʹtt kaaggeeʹl čiŋŋlõs õhttvuõđ sääʹmǩiõtt-tuâjai, äʹrbbvuõđi, ǩiõl da jieʹllemnääʹl kõõskâst. 

• Oouʹdeed sosiaalʼlaž, ekolooglaž da tällõõzzlaž ǩeâllʼjemvuõđ: 
  • Sosiaalʼlaž: puki õutstõõzz vuäzzlai vuässõõttmõš tåimmjummša ââʹjjest, puõlvvõõǥǥâst leʹbe sââʹjest huõlǩani. 
  • Ekolooglaž: ǩeâllʼjeei materiaali âânnmõõžž, eettlaž haʹŋǩǩummuš da pirrõsvasttõõzzlaž vuõʹjji ooudummuš. 
  • Tällõõzzlaž: sääʹmǩiõtt-tuâj tuärjjummuž puåđkäivvan da sääʹmǩiõtt-tuâjjpõõrǥâsvuõđ nâânummuš. 

• Nââneed sääʹmõhttsažkååʹdd resilieeʹns da jiõččmieʹrreemvuõiggâdvuõđ. 

Konkreettlaž täävtõõzz da tååim: 

• Jueʹǩǩed ǩiõtt-tuâjjtääidaid da -tääidaid puõlvvõõǥǥâst nobba. 

• Raajjâd plaan eettlaž vuäppõõzzi raajjmõššân õhttneeʹl sääʹmǩiõtt-tuâjj puuʹtʼtummša, kauppõõllmõʹšše da âânnmõʹšše õhttsažtuâjast Sääʹmteeʹǧǧ, kulttuurorganisaatioi, ǩiõtt-tuâjjlai da njoonašoummuivuiʹm. 

• Raajjâd digitaalʼlaž mättmateriaalid da tueʹjjeed plaan neʹttpirrõõzz raajjmõššân, koʹst ǩiõtt-tuâjjla vueiʹtte jm. jueʹǩǩed silttummšes, säimmõõttâd da mättʼtõõttâd. 

• Tueʹrjjeed sääʹmǩiõtt-tuâjjlai põõrǥâsvuõđ da jäärnaǩtåimmjummuž di tällõõzzlaž vueiʹtlvažvuõđid säimmõõđeeʹl. 

• Nââneed sääʹmǩiõtt-tuõjju õhttneei raajid râstldeei õhttsažtuâj. 

• Jäʹrjsted tuâjjpääʹjjseminaarid Jeänõõǥǥâst, Kautokeinost da Karesuandost, taʹrjjeeʹl vueiʹttemvuõđid sääʹmǩiõtt-tuâjjtääidai mättʼtõõttmõʹšše, jurddji vaajtummša da saǥstõõllmõʹšše sääʹmǩiõtt-tuâj pueʹttiääiʹjest. 

• Ââʹnned škooultõõzzin sääʹmǩiõl.