Sämitige čuákkim
Sämitige čuákkim oovdâst Sämitige alemus meridemvääldi. Tot čokkân 4–5 keerdi ivveest. Sämitige čuákkim meerrid váldunjuolgâduslávt sämitige adelem ciälkkámušâin, iävtuttâsâin já eres peleväldimijn.
Sämitiigán kuleh 21 jesânid já nelji värijeessân, moh väljejuvvojeh sämitige valjâiguin neelji ive toimâpaje ááigán. Sämitiggeest kalgeh leđe ucemustáá kyehti jeessân já ohtâ värijeessân Iänuduv, Aanaar já Ucjuuvâ kieldâst sehe Suáđigil kieldâ Laapi palgâs kuávlust. Loopah 13 jesânid väljejuvvojeh jienâmere vuáđuld, kuittâg tienuuvt, ete ucemustáá vittâ jeessân kalgeh leđe sämmilij päikkikuávlust.
Sämitige čuákkim čokkân táválávt Sämikulttuurkuávdáš Sajosist Anarist. Čuákkimeh láá almoliih já taid puáhtá čuávvuđ pääihi alne parlamentsalist teikâ Zoom webinaar peht. Parlamentsalist tulkkumpiergâseh láá almolávt kiävtust. Njuolgâ vuolgâttâs peht puáhtá kuldâliđ meid tulkkum.
Sämitige jesâneh 2024–2027
Pirita Näkkäläjärvi
Saavâjođetteijee
Virgeriijâst 11.5.2026 räi.
Tuomas Aslak Juuso
II värisaavâjođetteijee
Saavâjođetteijee sajasâš 20.1.2025–5.2.2026, 7.2.–11.5.2026
Puh. 040 687 3394