Sääʹmteʹǧǧ iʹlmmat ooccâmnalla mieʹrräiggsaž vaaldâšmplaaneeʹj tuâj
Tuâjj älgg suåppmõõžž mieʹldd da peštt 31.12.2024 räjja.
Plaaneeʹj tuâjjan lij vaaldâšmjååʹđteei vuâllsiʹžžen valmštõõllâd takaivaaldšma kuulli tuâjaid. Tuâjjpäiʹǩǩ lij sääʹmkulttuurkõõskõs Sajoozzâst, Aanrest.
Ââʹntemkaiʹbbjõsân lij tuâj õudldem šiõttlõs škooultõs da sääʹmǩiõlltäidd (asetõs 1727/95). Tuâj oʹnstam håiddmõõžž õõudâsvieʹǩǩat vaaldšmallaš tuâjai tobddmõš veiddsânji di odd jiõččnaž, vaʹsttõsvuõđlaž tuejjummša. Uʹvddep äärv šiõǥǥ õhttsažtuâjj- da vuârrvaaiktemtääidaid.
Plaaneeʹj päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/III meâldlânji (vuâđđpäʹlǩǩ 2862,63 euʹrred/mp). Vuâđđpääʹlǩ õõl tuâjast määuʹset 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid. Tuâjast ââʹnet 3 määnpââʹj ǩiččlõddâmääiʹj.
Ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe maaccted Sääʹmteeʹǧǧ piisarkådda 14.3.2024 mõõneeʹst tän ooccâmlomaakk pääiʹǩ (ävvan ođđ ikkna).
Lââʹssteâđaid tuâj pirr oudd Sääʹmteeʹǧǧ vaaldâšmjååʹđteei Pia Ruotsala-Kangasniemi t. 010 839 3106. Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.
Aanrest 29.2.2024
Sääʹmteʹǧǧ
