Kulttuurluʹvddkåʹdd juõʹjji eeʹjj 2025 kulttuurveäʹǩǩtieʹǧǧid
Sääʹmteeʹǧǧ kulttuurluʹvddkåʹdd jueʹjji kulttuurluʹvddkååʹdd såbbrest 13.-14.2.2025 mättʼtõs- da kulttuurministeria miõttâm riikkveäʹǩǩtieʹǧǧ eeǥǥas 2025 õhttsiʹžže 222 000 euʹrred sääʹmǩiõllsaž kulttuur ooudâsviikkmõʹšše, tâʹvvjânnmallaš sääʹmorganisaatioi tuärjjummša da sääʹmceerkavpõõrti tuõʹllʼjem vääras.
Kulttuurluʹvddkåʹdd noorõõđi Aanrest 13.-14.2.2025. Čiʹǯǯpeäʹlnn: kulttuurpiisar Riitta Orti-Berg, luʹvddkååʹdd saaǥǥjååʹđteei Anu Avaskari, luʹvddkååʹdd vuäzzlaž Erkki Feodoroff (ooudâst), luʹvddkååʹdd vuäzzlaž Inka Kangasniemi, luʹvddkååʹdd vuäzzlaž Sisko Länsman (ooudâst) da luʹvddkååʹdd vuäzzlaž Anu Magga. Ougglõsõhttvuõđin luʹvddkååʹdd väärrsaaǥǥjååʹđteei Niko Valkeapää. Snimldõk: Johanna Alatorvinen / Sääʹmteʹǧǧ.
Sääʹmteeʹǧǧ konttra puõʹtte 80 ooccmõššâd sääʹmǩiõllsaž kulttuur ooudâsviikkmõʹšše da sääʹmorganisaatioi toiʹmmjummša, koin veäʹǩǩtieʹǧǧid oʹcce õhttsiʹžže 482 578 eeuʹr õõudâst.
Suåppmõõžžid/tuʹmmstõõǥǥid vuõltteet liâđǥlânji da vuâllaǩeeʹrjtõõzzâst ââʹnet raavâs tobddõõttmõõžž.
Veäʹǩǩtieʹǧǧid miõʹtteš tän nalla:
Lââʹssteâđ
Riitta Orti-Berg
Kulttuurpiisar
010 839 3103
riitta.orti-berg(at)samediggi.fi
