Sääʹmteʹǧǧ da Tiõrvâsvuõđ da pueʹrrvââjjam strooiʹtel juäʹtǩǩe õhttsažtuâj sääʹmoummi tiõrvâsvuõđ da pueʹrrvââjjam õõuʹdeem diõtt
Sääʹmteʹǧǧ da Tiõrvâsvuõđ da pueʹrrvââjjam strooiʹtel (THL) såbbrõʹšše Aanrest 31.1.2025. Såbbrest tuʹmmeeš eeʹjj 2025 õhttsažtuâj teäddpaaiʹǩin.

Õhttsažtuâjjsaǥstõõllmõõžž lie vueʹss THL da Sääʹmteeʹǧǧ eeʹjj 2023 vuâllaǩeeʹrjtem õhttsažtuâjjsuåppmõõžžâst da tõn čõõđ viikkmõõžžâst. Õhttsažtuâj täävtõsân lij õõuʹdeed sääʹmoummi tiõrvâsvuõđ da pueʹrrvââjjmõõžž, jeeʹrab mieʹldd puuʹtʼteeʹl teâđ Lääʹdd sääʹm-meer tiõrvâsvuõđ, pueʹrrvââjjmõõžž da aarǥ staan vueʹjj pirr.
Tän eeʹjj õhttsažtuâj teäddpäiʹǩǩen vaʹlljeeš täid teeʹmid:
- THL da Sääʹmteʹǧǧ plääʹne õhttsažtuâjjan teäggtõsooccmõõžžid Lääʹdd säʹmmlai tiõrvâsvuõđ da pueʹrrvââjjam õõuʹdeem diõtt
- THL lââʹzzat sääʹm ǩiõll- da kulttuursilttummuž tuâjjlažkååʹddes seʹst, ravsmâtt silttummuž alggmeer vuõiggâdvuõđi spesiaalkõõččmõõžžin da pârgg väʹldded lokku sääʹm ǩiõll- da kulttuursilttummuž rekrytâsttmõõžžin
Lââʹssen såbbrest uʹvddeš ǩičldõõǥǥ õhttsažtuâjjsuåppmõõžž čõõđ viikkâm oʹnnstummšin da vaʹǯǯtõõzzid eeʹjjest 2024.
Såbbra vuässõʹtte THL väʹlddjååʹđteei Mika Salminen, soti-juâkkaz jååʹđteei Piia Aarnisalo, kääzzkõsriâšldõkjuâkkaz jååʹđteei Anu Niemi, kulttuursaž määŋglaaǥǥanvuõtt -tiim tiimjååʹđteei da jååʹđteei tuʹtǩǩeei Natalia Skogberg, tuʹtǩǩeemprofessor Anu Castaneda, õõuʹdeemjååʹđteei Saida Mäki-Penttilä da plaanni Niila Rahko.
Sääʹmteeʹǧǧ såbbrest eeʹttkõʹstte saaǥǥjååʹđteei sâjjsaž, II väärrsaaǥǥjååʹđteei Tuomas Aslak Juuso, sosiaal- da tiõrvâsvuõttluʹvddkååʹdd saaǥǥjååʹđteei Leena Niittyvuopio-Jämsä, vs. sosiaal- da tiõrvâsvuõttpiisar Anni Koivisto da sosiaal- da tiõrvâsvuõttpiisar Riitta Lehtola-Kosonen, ǩiõllstaanpiisar Anne Kirste Aikio da lääʹǩǩpiisar Kalle Varis.
Lââʹssteâđ
Tuomas Aslak Juuso
Sääʹmteʹǧǧ, II väärrsaaǥǥjååʹđteei
teʹlf. 040 687 3394
tuomas.juuso(at)samediggi.fi
Anu Castaneda
THL, tuʹtǩǩeemprofessor
teʹlf. 029 524 7848
etunimi.sukunimi(a)thl.fi