Sääʹmnuõri čeäʹppvuõttpeeiʹv 6.5.2025 tuâjjpaaʹjid iʹlmmtõõttmõš lij äävai 10.-22.4.2025

Sääʹmnuõri čeäʹppvuõttpeeiʹv oouʹdab peiʹvven 6.5.2025 jäʹrjstet sääʹmnuõrid da –päärnaid tuâjjpaaʹjid di puõʹtti peeiʹv čuäjtõõzzi soundcheeck. Tuâjjpaaʹjid iʹlmmtõõttmõš lij äävai 10.-22.4.2025. Tuâjjpaaʹji jäʹrjsteeʹjen liâ Sääʹm-museo Siida, Sääʹm päärnaikulttuurkõõskõs Mánnu da Nuõrisuåvtõs, da tõk puk jäʹrjstet Sääʹmkulttuurkõõskõs Sajoozzâst, Aanrest.  

Liŋkk tuâjjpaaʹjid iʹlmmtõõttmõʹšše: https://link.webropolsurveys.com/S/E3184722E7FB6826 

Vuäʹnkõs kovvõõzz seärad tuâjjpaaʹjin: 

Sääʹm-museo Siida 

Tuâjjpääʹjjprograamm taʹrjjeet täid ââʹǩǩjooukid 1.-4.kl da 5.-9.kl škooulniiʹǩǩid. Tuâjjpaaʹji teeʹmmen lij tän eeʹjj pirrõsčeäppõs. Tuâjjpääʹj äʹlǧǧe tääʹssčiâssin da peʹštte 45 minuutt. Čeäppõstuâjjpaaʹjin vueiʹtte šõddâd tårkkjummuž eeuʹnin da liimin, de nääiʹt tääzz čeäppõstuâjjlõʹnnje ij kaʹnnet pueʹtted fiin pihttsin. Tuâjjpaaʹjin uuʹdet sââʹj kreevsõsvuõʹtte, nääiʹt teʹlfoon kueʹđet tuâjjlõʹnnje puäʹđeen laaukid leʹbe kähttan kårmmna. Puk taarbšem materiaal jueʹjjet tuâjjppääʹjest. Tuâjjpaaʹjid lij ouddiʹlmmtõõttmõš 10.-22.4.2025.

1.-4. klaassi tuâjjpääʹj teeʹmmen lij pirrõsčeäppõs. Tuâjjpääʹjest tobdstõõđât čeäppõsneǩ-duojár Inghild Tapio muõrrviârstõõzzid da tõi tuâjai vuâđald škooulneeʹǩǩ vuäǯǯa tuejjeed jiõččkaartid muõrâst da jeeʹres äʹrbbvuõđlaž ǩiõtt-tuâjjmateriaalin. Looppâst päärnai tuejjeem jiõččkaart piijât čuäjtõʹsse ålggmuseo peʹlljkuätta, koʹst tõk liâ kuâsttjemnalla čõõuč räjja. 
Päärna kälkkee jiijjâs muâđas muõrrkooskže da ǩeʹrjjee muõrid jiõččvaalšem naaʹlin uvddum ǩiõtt-tuâjjmateriaalin. Juõʹǩǩ viârtõʹsse ǩeeʹrjtet čeäppõõzzraajji nõmm, ǥu tuâj maaccted mååusat vuäʹmsteeʹjid čuäjtõõzz puuʹđeen. Tuâjjpääʹj poodd vueiʹtet saǥstõõllâd tõʹst, mâid miârkat jiõččkartt. Tuâjjpääʹjjtuâjast päärnaž vuäǯǯ kovveed jiijjâs aivv nåkkmen, mäʹhtt juʹn vuäinn da tåbdd jiijjâs. Tuâjjpääʹjj oudd sââʹj päärnže smiõttâd, ǩii son lij da mii lij suu identiteeʹttes.  

5.-9.kl. škooulniiʹǩǩi tuâjjpääʹjest čiŋlmõõvât mainnsi mainstummša pirrõsčeäppõõzz kuånstin. Tuâjjpääʹj aalǥâst saǥstõõlât måkam sääʹm-mainnsid škooulneeʹǩǩ liâ kuullâm leʹbe mâid mytologiahääʹmid sij teäʹtte. Tuâjjpääʹjest nuõr peäʹsse kovveed täid säʹmmlai mainnsi hääʹmid teʹkstiiltuâjain. Äʹllšjõssân čuäʹjtet Lise Tapio Pittja tuejjeem tuâjaid, koin lij säʹmmlaž vuâsppåʹdhääʹmm kovvuum šeeʹšn ool. Tuâjjpääʹj materiaalân liâ teeʹmes ǩiõtt-tuâj materiaal, mâta vaatt-, šeʹšnn- da pombbâlollaaunâskuuʹsǩ. Tuâj vueiʹtte leeʹd še abstraktia čeäppõõzz. Tuâjast vuäitt tuejjeed vuõššân måkam-ne hämmaz põʹmmja. 
Juõʹǩǩ tuâjj liʹjmmjed vuâlže da nääiʹt pukin taaulin šâdd õhttsaž jõnn kollaasinstallaatio, koon piijât Siidast kuâsttjemnalla, mâta mii täättas jeeʹres čeäppõstuâjj. Tuâjjobbvuõtt lij kuâsttjemnalla eeʹjj 2025 loopp räjja. 9.kl škooulniiʹǩǩid raaukât kueʹđđed tääʹrǩab õhttvuõđteâđaid tuâjai tuâkka, što vueiʹttep vuõltteed tuâjaid siʹjjid pååʹšt mieʹldd. Jeeʹres škooulniiʹǩǩi tuâj tååimtet škooulid jueʹǩǩemnalla vuäʹmsteeʹjid.  

Kuhttui tuâjjpaaʹji diõtt raajât pedagooglaž mäŋgstõõzz, koin liâ ǩeerjlaž vuäppõõzz tuâjjpääʹjest. Lââʹssen vueiʹtlvažvuõđi mieʹldd tuâjjpääʹj da teeʹm ǩiõttʼtâʹlle sääʹmm-lääʹdd –sääʹnnliist. 

Päärnai kulttuurkõõskõs Mánnu  

ŠEʹŠNNKARSTÕK
Šeʹšnnkarstõõǥǥ paʹrǧǧummuš, tuejjeet paʹrǧǧeem karstõõǥǥâst lokkčooudǩeâlggal, laauk heäʹrvv lmj.  

PUÕCCU ČUÕLMM
Äʹrbbvuõđlaž puõccu ǩiddpiijjmõš muõʹrre, ǥu ääʹljet taammâd puõccu. Čuõlmm lij õhtt vääžnai pieʹǩǩ teâtt-tääidast, koon lij šiõǥǥ mättjed. Arggpeeiʹv matematikk da vaiggâdvuõđi räʹtǩǩummuž! 

LIIKKÕÕZZ
Taʹnssmaallsaž tuâjjpääʹjj luâđast. 

Nuõrisuåvtõs 

PUEʹTTIÄIʹǦǦ SÄÄʹMJÂNNMEST 

Nuõrisuåvtõõzz õhttân vaalpââʹj täävtõssân lij Sääʹmnuõri jieʹllemvuõʹjji ooudâsviikkmõš säʹmmlai dommvuuʹdest, što sääʹmnuõrin leʹčči vueiʹtlvažvuõtt kuâđđjed da mäʹcced sääʹmvoudda da haʹŋǩǩeed piʹrǧǧummšes še äʹrbbvuõđlaž jieʹllemvuõʹjjin. Täujja sääʹmnuõr jõuʹdde muʹtted määttai da tuâjai diõtt sääʹmvuuʹdest.  

Nuõrisuåvtõs lij plaanääm jeeʹresnallšem tååimaid sääʹmnuõri jieʹllemtuejjeeʹji ooudâsviikkmõššân da täʹst tuâjjpääʹjest nuõrivuiʹm ǩiõttʼtõõlât tän ääʹšš. 

Täävtõsjoukk: pââibužškooul da lookkjiškooul