Sääʹmteeʹǧǧ vaal-luʹvddkååʹdd ååcc vaal-luʹvddkååʹdd piisar
Sääʹmteeʹǧǧ vaal-luʹvddkåʹdd iʹlmmat ooccâmnalla vaal-luʹvddkååʹdd piisar mieʹrräiggsa tuâj.
Tuâjj äälǥči tâʹlles leʹbe suåppmõõžž mieʹldd da peeštči 31.12.2027 räjja. Vaal-luʹvddkååʹdd tåimmpäiʹǩǩ sâjjdâtt sääʹmkulttuurkõõskõs Sajoozzâst, Aanrest. Piisar tuâjjan lij jm. vaal-luʹvddkååʹdd vuâllsiʹžžen valmštõõllâd da tiuʹdde piijjâd vaalid di tåimmad vaal-luʹvddkååʹdd čiõʹlǧǧeeʹjen såbbrin.
Šiõttõsvuâđlaž ââʹntemkaiʹbbjõssân lij tuâj õõlǥtem škooultõs da sääʹmǩiõll täidd (asetõs 1727/95). Tuâj oʹnnsteeʹjes håiddmõõžž ooudâsvieʹǩǩat suåppi õllškooultuʹtǩǩõs di vaaldšemvuõđlai tuâjai da säʹmmlaid kuõskki vuõiggâdvuõđlaž aaʹšši tobddmõš. Ǩiõččlâsttmõš vaal-luʹvddkååʹdd tuâjain ǩiõččât pueʹrren.
Päʹlǩǩ meäʹrtââvv sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz III/I-II–IV/I mieʹldd (vuâđđpäʹlǩǩ kõõskâst 3539,97–3134,23 euʹrred /mp) Vuâđđpääʹlǩ lââʹssen tuâjast määuʹset 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvi ǩiõččlâʹsttemlââʹzz.
Ooccmõõžž meâlddõõzzineez âʹlǧǧe tååimted sääʹmteeʹǧǧ piisarkådda 8.10.2025 mõõneeʹst tän liâdǥlaž ooccmõšlomaakk pääiʹǩ (ävvan ođđ ikkna): Ooccmõšlomakk
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. 040 726 2688.
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi
Aanrest 24.9.2025
Sääʹmteeʹǧǧ vaal-luʹvddkåʹdd
