Sääʹmteʹǧǧ ååcc av-tekniikkâr

Sääʹmkulttuurkõõskõs Sajoozz õhttvuõđâst tåimm kääzzkõsjuâǥǥaz, kååʹtt vaʹsttad Sääʹmteeʹǧǧ halltõõzz vuâllsiʹžžen jeäʹrbi mieʹldd kulttuurkõõskõõzz markknâsttmõõžžâst, Sajoozz restrantt-toiʹmmjummšest di teeknlaž da logistiiklaž kääzzkâʹsttempuuʹtʼtõõzzâst da ǩiiddâlm tuõʹllʼjummša õhttneei tuâjain di jeeʹresnallšem šõddmõõžži jäʹrjstummšest. Kääzzkõsjuâkksest liâ kueʹhtt av-tekniikkâr tååim.

Av-tekniikkâr tuâjjpäiʹǩǩ lij Sääʹmkulttuurkõõskõs Sajoozzâst Aanrest. Av-tekniikkâr tuâjjan lij Sajoozzâst šõddâmvuâlai da kääzzkõsjuâkksest jeeʹresårra tiʹllʼjem pooddi teeknlaž čõõđviikkmest huõl âânnmõš ouddm. kuâsttjemkoov, jiõnn da čuõv. Lââʹssen av-tekniikkâr veekk ooudâs Sajoozz av-riâžldõõǥǥid, håidd haʹŋǩǩummšid di vieʹǩǩat šõddmõõžži jäʹrjstummšin kuulli jeeʹres tuâjjhååmmain.

Kääzzkõskõskkvuõđ teâđ

Tuâjjkõskkvuõtt äälǥči suåppmõõžž mieʹldd kålgg-skamm-mannust da tõt lij meäʹrteʹmes ääiʹj viõǥǥâst åårrai. Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.

Tuâj tueʹjjeet Sääʹmkulttuurkõõskõs Sajoozzâst Aanrest.

Ooʒʒjest vueʹrddep

Ââʹntem-mäinnan lij tuâj õõlǥtem suåppi škooultõs di sääʹmǩiõl täidd (asetõs 1727/95). Tuâj oʹnnsteeʹes håiddmõš õõlǥat pueʹr teeknlaž silttummuž AV-tekniikkâst, harjjnummuž vaʹstteei tuâjaid, soojjlõsvuõđ di šiõǥǥ äʹššmeǩ-kääzzkõstääidaid. Eŋgglõsǩiõl silttummuš ǩiõččât pueʹrren.

Päʹlǩǩ

Päʹlǩǩvuõtt meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz IV/II mieʹldd (vuâđđpäʹlǩǩ obbtuâjjaaiʹjin 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.

Ooccmõš

Ooccmõšlomakk, jiõččtäättlaž jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 30.9.2025 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna) : Ooccâmlomakk

Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. pia.ruotsala(at)samediggi.fi, teʹl. 040 726 2688

Sääʹmtegga da sääʹmkulttuurkõõskõs Sajoʹsse vuäitt tobdstõõttâd addrõõzzin www.samediggi.fi da www.sajos.fi

Aanrest 1.9.2025
Sääʹmteʹǧǧ