Sõrgg vieʹttjet säʹmmlai meersažpeeiʹv – puäʹđ mieʹldd äävmättčiâssid 6.–8.2.2024!
Sääʹmǩiõli ougglõsõhttvuõđid äuʹǩǩeei mättʼtõõzz piʹlotthaʹŋǩǩõs juuhljâtt 6.2. vieʹttjem saaʹmi meersažpeeiʹv da jääʹrjast virtuaalʼlaž mättčiâssid 6.–8.2.2023.
Mättčiâss liâ õhttsiʹžže kolmm, da tõi teeʹmmen lij puäʒʒhåidd. Čiâssi poodd mättjet puäʒʒhååid kuõskki sannõõzz da mõõnât čõõđ puäʒʒhååid kuõskki tuâjaid.
Mättčiâssid liâ tiõrv puättam puk sääʹmǩiõlin da sääʹmkulttuurâst älšmam oummu. Čiâssid vuäitt vuässõõttâd juõǩǩʼkaž mättjeei jiõččnânji leʹbe klass õõutsââʹjest seämma poʹdde õhttsaž aparaattin. Mättʼtõs lij vueiʹvväʹššest sääʹmǩiõʹlle (aanar-, nuõrtt- leʹbe tâʹvvsääʹmǩiõll), tuärjjǩiõllân lij lääʹddǩiõll. Čiâss sueʹppe âʹte še sääʹmǩiõl mättʼtõõđjid.
Čiâssid peäss seuʹrrjed vuõigg vuõlttõssân õhtteemliiŋkid kliʹkkjeeʹl. Čiâssi seuʹrrjummuš lij määustem ij-ka õõlǥât ouddiʹlmmtõõttmõõžž. Čiâssin lij še vueiʹtlvažvuõtt kõõččâd da saǥstõõllâd chaatâst.
Mââibargg 6.2. čiâss 10.00–10.45
Aanarsääʹmǩiõʹlle
Uʹčteeʹlen Riikka Morottaja
Õhtteemliŋkk: http://tinyurl.com/inarinsaame
Seärad 7.2. čiâss 10.00–10.45
Tâʹvvsääʹmǩiõʹlle
Uʹčteeʹlen Mihkku Laiti
Õhtteemliŋkk: http://tinyurl.com/pohjoissaame
Neljdpeiʹvv 8.2. čiâss 10.00–10.45
Nuõrttsääʹmǩiõʹlle
Uʹčteeʹlen Jouko Moshnikoff
Õhtteemliŋkk: http://tinyurl.com/koltansaame
Pyeri puáttim! Bures boahtin! Tiõrv pueʹttem! Tervetuloa!
Lââʹssteâđaid:
Laura Ylinampa, haʹŋǩǩõsjååʹđteei
laura.ylinampa@edu.utsjoki.fi
040 525 4013
Anne Olli, haʹŋǩǩõskoordinaattor
anne.olli@samediggi.fi
040 687 5989
Saaʹmi meersažpeeiʹv vieʹttjet piirieeʹjji täʹlvvmannu 6. peeiʹv. Juhllvuõđid jäʹrjstet tâʹl äʹrbbvuõđlânji jeeʹres beäʹlnn Sääʹmjânnam da ânnʼjõžääiʹj še Sääʹmjânnam åålǥbeäʹlnn.
Vuäitak vuässõõttâd saaʹmi meersažpeivva še näkam naaʹlin:
- Vuässõõđ säʹmmlai meersažpeeiʹv šõddmõõžžid jeeʹres päiʹǩǩ-kooʹddin leʹbe ougglõsõhttvuõđin.
- Ǩiõčč video: Saamelaisten kansallispäivä kahdessa minuutissa.
- Jääʹrjest musikkärvvtõõllmõš sääʹm-musiikkâst.
- Tobdstõõđ Dihtosis-mättmateriaalid Nuõri Akatemia seeidain. Vuäǯǯamnalla lij mõõntõõllâmpakk, teâttǩeâštt tueʹlespoddääʹvummuž vääras, siõr da video-mättčiâss.
- Tobdstõõđ Oktavuohta – sääʹmteâđ mättʼtõʹsse -seiddõʹsse. Seiddõõzzâst käunnʼje jeeʹres škooul- da klass-taaʹzzid plaanuum, teeʹmmkruuggi mieʹldd tuʹtǩǩuum vueʹzz da tuâj.
- Tobdstõõđ Säärn tõn säämas -mainstemǩiõllsiʹžže fraass-sääʹnnǩerjja tâʹvv-, aanar- da nuõrttsääʹmǩiõʹlle. Seiddõõzzâst še vitt vuäʹniǩdokumeeʹnt, ǩiõʹrǧǧesvueʹppes sääʹmkulttuuʹre, soundboard di kueʹhtt ǩiõllteeʹm õõʹni artikkeel.
- Priʹntte päärnaid euʹnneempirstõõzzid.
- Mättʼtõõđ tâʹvvsääʹmǩiõl Sääʹmsuåvtõõzz IndyLan-ǩiõllmättjemsuåvldõõzz veäkka. Suåvldõs laaddâmnalla Apple Storest da Google Playst.
- Mättʼtõõđ tâʹvv-, aanar- leʹbe nuõrttsääʹmǩiõl päärnaid jurddum Kaupunkiseikkailu-siõrin, kååʹtt lij õhttuum luʹvdd- da korttsiõrr. Siõrr lij laaddâmnalla Apple Storest da Google Playst.
- Ǩiõčč Muumlieʹǩǩ-rääid Yle Areenast tâʹvvsääʹmǩiõʹlle, aanarsääʹmǩiõʹlle leʹbe nuõrttsääʹmǩiõʹlle.
