Unna-Maari Pulska alttii čeäʹppvuõđpeeiʹv tuâjjliʹžžen

Sääʹmnuõri čeäʹppvuõđpeeiʹv eeǥǥa riâššmõõžž vuõʹlǧǧe eʹpet jååʹtted, ǥu Unna-Maari Pulska alttii Sääʹmnuõri čeäʹppvuõđpeeiʹv tuâjjliʹžžen. Čeäʹppvuõđpeiʹvv riâžžât tän eeʹjj Aanrest Riutula Vasatokkast da Sajoozzâst njuhččmannu 15.-16. peeiʹvin.

Eeʹjj 2020 čeäʹppvuõđpeeiʹv teeʹmmen lij taʹnss, koon pirr obb šõddmõš raajsmââvv. Šõddmõõžžâst vaalšet sääʹmnuõri eeʹttǩeei väʹlddkååddliʹžže Tampere gåårdest riâššâmvuâla Moves-šõddmõʹšše.

Unna-Maari lij leämmaž ääiʹjab eeʹjjest 2016 riâššmen šõddmõõžž, da tõn õuddâl vuässõõttâm jiõčč šõddmõʹšše viiššlânji škooulekksiʹžžen. –Lij tuõđi hääʹsǩ riâššâd šõddmõõžž ǥu meeʹst lij taʹnssjeei Auri Ahola läänčeäppneʹǩǩen da jõnn joukk Sääʹmtiiʹǧǧi tuâjjla mieʹldd plaanummšest da riâššmõõžžin, särnn Unna-Maari.

Iʹlmmtõõttmõš šõddmõʹšše ävvan sõrgg Webropolist. Seuʹrre Sääʹmtiiʹǧǧi neʹttseeidaid di šõddmõõžž jiijjâs Facebook- da Instagram-seiddõõzzid da puäʹđ mieʹldd!

Väʹlddkååddla Moves-šõddmõõžž meärrõõzz kaaunak tääiʹben:

https://nuorikulttuuri.fi/moves/saannot/

Õhttvuõđteâđ

unna.pulska(at)samediggi.fi
teʹl. 010 839 3131 da 040 614 5949
Facebook: https://www.facebook.com/Saamelaisnuorten-taidetapahtuma
Instagram: @samenuoraid_daiddadahpahus