Vuođđu – ođđ jieʹnnǩiõl mättmateriaal lij čõõđtum!  

Vuođđu – Powerpoint diarääid ouʹdde valmmâž jurddjid mättʼtempooddid tâʹvvsääʹm jieʹnnǩiõl da ǩeʹrjjlažvuõđ vuâđđaaʹššid mättʼteen. Digitaalʼlaž ååʹblǩest čõõđtum materiaal lij lij jurddum vuâđđškooul nuuʹbb klaass mättʼtõʹsse, leša mättmateriaalid vuäitt äuʹǩǩeed še pââibu klaassi mättʼtõõzzâst.  

Vuođđu-materiaal aicclmâʹstte aaʹššid kaartivuiʹm, koid vueiʹtet čuäʹjted škooulnekka teâttmašina, projektoor leʹbe toolktaaul pääiʹǩ. Nääiʹt mättmateriaal suäpp puârast še ougglõsmättʼtõʹsse. Õõut mättʼtempoodd pešttan lij ärvvtõllum nuʹt 15–20 minuutt. 

Mättmateriaalin liâ ååuʹc vueʹzz, koin mättʼtet puõʹtti aaʹššid:  

1. Ciâlk 
2. Kõõččmõõžž 
3. Loopptem-miârk 
4. Vokaal da konsonaant 
5. Diftooŋ 
6. Geminatt 
7. Synonyym 
8. Vuâstbeäʹl  
9. Suõm 

Vuođđu -materiaal sueʹppe õʹhtte Álgu -ouddaz Powerpoint materiaalivuiʹm da sueʹppe puârast juätkkan tõid. Mättmateriaal lij raajjâm spesiaalklassuʹčteeʹl Aura Pieski da karttčeäppõsneǩ Nora Bäck lij kaartʼtam. Vuođđu -materiaal čõõđtet digitaalʼliʹžžen da tõt lij ruõkkâmnalla nuʹt PPT ǥu PDF- ååʹblǩest uʹčteeʹl jiijjâs teâttmašinaaʹje.  

Ääiʹjben õlmstõõvvâm Árdna-ǩiiʹrjin lij ååʹn õlmstõttum uʹčteeʹlvueʹppes, kååʹtt oudd viiŋkid da materiaal, koonn vuäitt priʹnttjed lââʹss materiaalân mättʼtõõzz tiuddummša. 

Škooul Lääʹddjânnmest vueiʹtte tiʹllʼjed materiaalid Sääʹmteeʹǧǧest addrõõzzâst:  

digimateriaalit@samediggi.fi  

Lââʹssteâđ:  

Marita Aikio 
Mättmateriaalplaaneeʹj 
040 662 9018 
marita.aikio@samediggi.fi