Sääʹmteʹǧǧ ååcc projeʹkttjååʹđteeʹj Äʹrbb – Õhttsaž strategia kulttuurääʹrb da äʹrbbvuõđlaž teâđ ooudâsviikkmõššân -haʹŋǩǩõʹsse
Sääʹmteʹǧǧ iʹlmmat ooccâmnalla mieʹrräiggsa projeʹkttjååʹđteeʹj tuâj eeʹjj 2028 loopp räjja piʹštti Äʹrbb – Õhttsaž strategia kulttuurääʹrb da äʹrbbvuõđlaž teâđ ooudâsviikkmõššân -haʹŋǩǩõʹsse.
Äʹrbb – Õhttsaž strategia kulttuurärbba da äʹrbbvuõđlaž tiõttu raavad säʹmmlai jååʹđtem, raajid râstldeei tåimmam-maall, kååʹtt tuärjj da äuʹǩǩad sääʹm kulttuurääʹrb da äʹrbbvuõđlaž teâđ õhttsiʹžžen kulttuur- ja tällõsresurssân. Haʹŋǩǩõs vaʹsttad riâššõõtteʹmes politiʹǩǩe, õhttsaž loǥstõõǥǥ da vuâđđjurddi vänna di taaujâs åuggsaž vuäʹmstem riiskid. Haʹŋǩǩõʹsse raajât õhttsaž sääʹmproseʹss tõn tobdstummuž diõtt, mâid âlgg ciʹsttjed, čiõlǥtet kollektiivlaž vuäʹmstemvuõtt da raajât kuʹǩesäiggsaž vuâđđjurddjid, kook vuâđđâʹvve jiõččvaldšma di luõvâs da tiõttu vuâđđõõvvi ouddmiâsttmõʹšše (FPIC).
Lääʹddjânnam da Taarr Sääʹmteʹǧǧ tåimma haʹŋǩǩõõzz ǩieʹssjen, Ruõcc sääʹmjânnam vuäinalm vääʹldet mieʹldd Sääʹmparlameeʹnti suåvtõõzz pääiʹǩ.
Lääʹddjânnam päʹlǩǩeem projeʹkttjååʹđteeʹj tuâjjan lij jåttʼted Äʹrbb –haʹŋǩǩõs plaan meâldlânji, viikkâd čõõđ plaanuum tååimaid, ââʹnned huõl raportâsttmõõžžâst, seuʹrrjed projeeʹkt tällõõzz teâuddjummuž di ââʹnned huõl haʹŋǩǩõõzz vaaldšummšest aalǥâst loopp räjja. Projeʹkttjååʹđteeʹjj tåimm aktiivlaž õhttsažtuâjast Taarr Sääʹmteeʹǧǧ haʹŋǩǩõstuâjjlažkooʹddin di pukin Sääʹmtiiʹǧǧin. Tuâjj õõlǥat aktiivlaž vuârrvaaiktõõzz, säimmõõttmõõžž da veiddsõs õhttsažtuâj čõõnâsjoukk-ǩeeʹddest di pueʹrr projeeʹkt obbvaaldâšm oodd.
Kääzzkõskõskkvuõđ teâđ
Tuâjj äälǥči suåppmõõžž mieʹldd vueiʹtlva sõrgg da peštt eeʹjj 2028 loʹppe. Tuâjj sâjjdâtt Sääʹmteeʹǧǧ takaikonttâr vuâlažvuõʹtte.
Sääʹmteeʹǧǧ tåimmpäiʹǩǩ lij sääʹmkulttuurkõõskõs Sajoozzâst, Aanrest, leša tuâj lij vueiʹtlvaž tuejjeed ougglõstuâjjan.
Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.
Ooʒʒjest vueʹrddep
Ââʹntem-mäinnan lij tuâj õõlǥtem suåppi škooultõs da sääʹmǩiõlltäidd. Tuâj oʹnnsteeʹjes håiddmõš õõlǥat veiddsõs sääʹmkulttuur, kultturääʹrb di FPIC-vuâđđjurddji tobddmõõžž di oodd meeraikõskksaž õhttsažtuõjju sääʹmvuuʹdest.
Vueʹrddep
- oodd vaaldšed haʹŋǩǩõstuâjj plaanummšest operatiivlaž čõõđ viikkmõʹšše da haʹŋǩǩõõzz tuʹmmjummša,
- silttummuž projeʹktt-tällõõzz vaaldšummšest da vuåppmõõžžâst,
- oodd vaaldšed mäŋgg tuâjjobbvuõđid seämmaäiggsânji,
- pueʹrr õhttsažtuâjj- da organisâʹsttemtääidaid,
- njueʹbǯǯlõs ǩeerjlaž saakkeemtääid.
Eŋgglõsǩiõl da taarrǩiõl leʹbe ruõccǩiõl täidd ǩiõččât pueʹrren.
Päʹlǩǩvuõtt
Päʹlǩǩvuõtt meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz IV/II mieʹldd (vuâđđpäʹlǩǩ obbtuâjjaaiʹjin 2998,97 euʹrred/mp). Vuâđđpääʹlǩ lââʹssen määuʹset sääʹmvuuʹdest tuâj tuejjeen 24 % sääʹmvuuʹd lââʹzz da tuâjjǩiõččlâsttmõõžž mieʹldd meäʹrtõõvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 20.5.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Sääʹmteʹǧǧ lij vuäǯǯam Äʹrbb – Õhttsaž strategia kulttuurääʹrb da äʹrbbvuõđlaž teâđ ooudâsviikkmõššân haʹŋǩǩõʹsse Interreg Aurora teäggtõõzz.
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi, pia.ruotsala(at)samediggi.fi, da teʹl. 040 726 2688.
Sääʹmteeʹǧǧ tåimmjummša vuäitt tobstõõttâd neʹttaddrõõzzâst www.samediggi.fi.
Aanrest 4.5.2026
Sääʹmteʹǧǧ
