Sääʹmteʹǧǧ vuõiʹni ministeriai riikkpiisrid Sajoozzâst Aanrest 27.10.
Vuõinnlõõttmõš leäi vueʹss riikkpiisri kuõʹssjummuž, koon kõskksaž teeʹm liâ staanvuõtt, tâʹvv-vuõtt da säʹmmlažvuõtt. Kuõʹssjempoodd Sääʹmteʹǧǧ čuäʹjtõõli säʹmmlaid kuõskki ääiʹjpoddsaž aaʹššid.
– Leäm rämmai, što riikkpiisar puõʹtte pääiʹǩ ool harjjned tââʹv aaʹššid. Kaaggim ouʹdde jeäʹrben säʹmmlaid kuõskki ääiʹjpoddsaž kõõččmõõžžid, mâta sääʹmǩiõllsaž sotikääzzkõõzzi tuõrvvmõõžž, mäddâânnmõʹšše da äʹrbbvuõđlaž jieʹllemvuõʹjjid õhttneei aaʹššid di sääʹmǩiõli ougglõsmättʼtõshaʹŋǩǩõõzz põõššjen sättmõõžž, späʹssbââžž Sääʹmteeʹǧǧ saaǥǥjååʹđteeʹj sâjjsaž Tuomas Aslak Juuso vuõinnlõõttmõõžžâst.
Sääʹmteeʹǧǧest vuõinnlõõttmõʹšše vuässõʹtte saaǥǥjååʹđteeʹj sâjjsa lââʹssen halltõõzz vuäzzlaž Tauno Ljetoff, vaaldâšmjååʹđteeʹjj Pia Ruotsala-Kangasniemi, jieʹllemvueʹǩǩ- da pirrõslääʹǩǩpiisar Sarita Kämäräinen da saaǥǥtempiisar Johanna Alatorvinen. Nuõrttsäʹmmlai siidsåbbrest mieʹldd leʹjje nuõrttsäʹmmlai ouddooumaž Veikko Feodoroff da piisar Terhi Harju.
Lââʹssteâđ
Tuomas Aslak Juuso
Saaǥǥjååʹđteeʹj sâjjsaž
040 687 3394
tuomas.juuso@samediggi.fi
Pia Ruotsala-Kangasniemi
Vaaldâšmjååʹđteeʹjj
040 726 688 / 010 839 3106
pia.ruotsala@samediggi.fi
