Sääʹmteʹǧǧ ååcc saaǥǥjååʹđteeʹj vieʹǩǩteeʹj
Sääʹmteʹǧǧ iʹlmmat ooccâmnalla saaǥǥjååʹđteeʹj vieʹǩǩteeʹj tuâj.
Sääʹmteʹǧǧlääʹjj muttâz šõõddeen viõʹǩǩe Sääʹmteeʹǧǧ väärrsaaǥǥjååʹđteeʹj tåimma jiijjâs tuâjast väʹlddtåimmsânji. Saaǥǥjååʹđteeʹjjkådda päʹlǩǩeet nuʹbb vieʹǩǩteeʹjj, kååʹtt tuejjad tuâj õhttsažtuâjast ääiʹjab tuõjju vaʹlljum saaǥǥjååʹđteeʹj vieʹǩǩteeʹjin.
Saaǥǥjååʹđteeʹj vieʹǩǩteeʹj tuâj meäʹrtâʹvve Sääʹmteeʹǧǧ tuâjjriâššmõõžž 7 b § mieʹldd. Saaǥǥjååʹđteeʹj vieʹǩǩteeʹj väʹlddtuâjjan lij vieʹǩǩted saaǥǥjååʹđteeʹj čõõđ viikkâd tuâjjriâššmõõžž meâldlaž tuâjeez. Lââʹssen saaǥǥjååʹđteeʹj vieʹǩǩteeʹj valmštââll da čiõʹlǧǧad taarbšeen halltõõzz, teeʹǧǧ da luʹvddkooʹddi såbbrest tåimmsuârggses kuulli aaʹššid di peejj tiuʹdde tõi tuʹmmstõõǥǥid, di valmštââll saaǥǥjååʹđteeʹj da vaaldâšmjååʹđteeʹj jeeʹrab mieʹrreem tuâjaid di vieʹǩǩat taarbšeen väärrsaaǥǥjååʹđteeʹjid tåimmsuârggses kuulli tuâjain.
Kääzzkõsvuõđ teâđ
Sääʹmteeʹǧǧ tuâjjriâššmõõžž mieʹldd saaǥǥjååʹđteeʹj vieʹǩǩteeʹjj nõõmtet tuâjjses saaǥǥjååʹđteeʹj toiʹmmjempââʹjjen. Saaǥǥjååʹđteeʹj vieʹǩǩteeʹj tuâjj äälǥči čõhččmannust 2025 leʹbe suåppmõõžž mieʹldd vueiʹtlva sõrgg da peštt 30.11.2027 räjja. Tuâjj sâjjdâtt Sääʹmteeʹǧǧ takaikonttâr vuâlažvuõʹtte.
Sääʹmteeʹǧǧ tåimmpäiʹǩǩ lij sääʹmkulttuurkõõskõs Sajoozzâst, Aanrest, leša tuâj lij vueiʹtlvaž tuejjeed ougglõstuâjjan.
Ooccjest vueʹrddep
Ââʹntemõõlǥtõssân lij šiõtlvaž õllškooultuʹtǩǩõs. Lââʹssen õõlǥtet sääʹmǩiõl tääid (asetõs 1727/95). Tuâj oʹnnstam håiddmõš ooudald veiddsõs sääʹmkulttuur tobddmõõžž, šiõǥǥ vaaldšmallaš tuâjai tobddmõõžž, šiõǥǥ ǩeeʹrjtemtääid da teäddasǩeâllʼjemvuõđ, soojjlõsvuõđ di šiõǥǥ organisâʹsttem- da õhttsažtuâjjtääidaid.
Päʹlǩǩvuõtt
Päʹlǩǩ meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz IV/II mieʹldd (vuâđđpäʹlǩǩ obbtuâjjaaiʹjin 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccmõšlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 3.9.2025 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna). Ooccâmlomakk
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. pia.ruotsala(at)samediggi.fi, teʹl. 040 726 2688
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi
Aanrest 20.8.2025
Sääʹmteʹǧǧ
