Sääʹmteʹǧǧ juuʹhlʼjâtt oođuum sääʹmteʹǧǧlääʹjj säʹmmlai meersažpeiʹvven Aanrest

Sääʹmteʹǧǧ kåčč pukid, ǩeäk haaʹlee vuässõõttâd poʹdde, juʹn-a puäʹđeeʹl pääiʹǩ ool leʹbe seuʹrrjeeʹl ougglõssân. Jõs puäʹđak poʹdde pääiʹǩ ool, tâʹl feʹrttjak iʹlmmtõõttâd ooudbeäʹlnn. Iʹlmmtõõttmõš oʹnnast tän liiŋk pääiʹǩ da iʹlmmtõõttâmäiʹǧǧ lij 23.1.2026 räjja. Poʹdde jäʹrjstet auttjååʹđtõs še Hetta, Čeʹvetjääuʹr, Uccjooǥǥ, Âʹvvel da Vuõccu åʹrnn Aanra. Vuäitak iʹlmmtõõttâd še liiŋk pääiʹǩ, jõs taarbšak auttjååʹđtõõzz. Vääʹld lokku, što pääiʹǩ liâ rääʹjteld, tõʹnt iʹlmmtõõđ vueiʹtlva sõrgg vuässõõttmõõžžad ainsmâʹttem diõtt. 

– Ođđ vaalpââʹj juuʹhlʼjâttmõš lij pâi miârkteei šiâtt, da tän vuâra juuʹhlʼjep še historiaalʼlaž jåårǥlõkpääiʹǩ. Ođđ sääʹmteʹǧǧlääʹǩǩ lij kuʹǩesäiggsaž tuâj puʹhttõs, mii raavad sääʹmjiõččvaaldâšm da puõʹtti puõlvvõõǥǥi vuõiggâdvuõđid, särnn Sääʹmteeʹǧǧ I väärrsaaǥǥjååʹđteeʹjj Leo Aikio. 

Juʹhllpeeiʹv poodd čiŋlmõõvât ođsmam sääʹmteʹǧǧlääʹjj miârktõʹsse di vaalpââʹj täävtõõzzid. Peeiʹv poodd kuulât saakkvuâraid di musikkčuäjtõõzzid pirr Sääʹmjânnam. Johlla pääiʹǩ ool liâ koččum sääʹmõhttsažkååʹdd vuäzzla da õhttsažkåʹddvaaikteei, Lääʹddjânnam riikk di tiõttum  õhttsažtuâjjkuõiʹmi eeʹttǩeeʹj, di Taarr da Ruõcc Sääʹmteeʹǧǧ presideeʹnt.  

– Tän juuʹhl pääiʹǩ haaʹleep puʹhtted späʹssbõõžž pukid tõid, ǩeäk liâ iiʹjji poodd tueʹjjääm tuâj ođđ sääʹmteʹǧǧlääʹjj ouʹdde. Seämma poodd ǩiõččâp še pueʹttiäigga, jooʹtti vaalpâjja da vasttõʹsse, mâid kueʹddep säʹmmlai eeʹttǩeeʹjen, särnn I väärrsaaǥǥjååʹđteeʹjj Leo Aikio.  

Mâʹŋŋlubust seämmapeeiʹv prograammâst lij Ulla Pirttijärvi da Ulda -bääʹnd konseʹrtt Sääʹmkulttuurkõõskõs Sajoozzâst. Konseʹrtt lij äävai pukid da määustem. 

Juuʹhl tääʹrǩab programm õlmstââʹttet Sääʹmteeʹǧǧ neʹttseeidain addrõõzzâst www.samediggi.fi 

Juuʹhl peäss seuʹrrjed vuõiggvuõlttõssân addrõõzzâst www.sajos.fi/live

Lââʹssteâđ juʹhllpeeiʹvest da iʹlmmtõõttmõõžž: 

Saara-Maria Salonen
saara-maria.salonen@samediggi.fi
044 739 4007