Pueʹrrvââjjmõš tuâjast da aarǥ šiõǥǥ mõõntõõllmõõžž kõskksââʹjest sääʹm õuddpeâmm õõuʹdeempeeiʹvin

Sääʹm õuddpeâmm õõuʹdeempeeiʹvid jäʹrjsteš Luostost 27.–28.9. Lappi vuʹvddvaaldâšmkonttâr da Sääʹmteeʹǧǧ õhttsažtuâjjan. Õõuʹdeempeeiʹv leʹjje jurddum pukid sääʹm õuddpeâmm tuâjjlaid ǩeeʹddest jååʹđteeitässa, nuʹt jieʹnnǩiõllsaž õuddpeâmm ǥu ǩiõllpieʹzzi peäʹlnn. Pääiʹǩ õõl noorõʹtte nuʹt 20 vuässõõttjed pirr Lääʹddjânnam.

Õõuʹdeempeeiʹvi prograammâst ǩiõttʼtõʹlleš jeeʹrab mieʹldd sääʹm õuddpeâmm vueʹjj, tuâjast vuäittmõõžž da viõǥǥi maacctummuž di aarǥ šiõǥǥ mõõntõõllmõõžžid. Tuâjast vuäittmõõžž tuâjjpääʹj ǩieʹssed leäi koččum Leena Fofonoff psykososiaalʼlaž tuärj juâkksest Uuvjâst.

Aarǥ šiõǥǥ mõõntõõllmõõžžid kuõskki vueʹzz saǥstõõllmõõžžin vuäjjneš nõõmâs mieʹldd õuddpeâmmaarǥ šiõǥǥ mõõntõõllmõõžžid da tõi juâkkmõʹšše di ääiʹjpoddsaid vaʹǯǯtõõzzid da tõi puʹrǧǧummša. Täi saǥstõõllmõõžži di Sääʹmteeʹǧǧ ääiʹjab dokumeeʹnti vuâđald ǩiõllpieʹssohjjeei Niina Aikio-Siltala rääjj õuddpeâmmjuâkksi tuâj tuärjjan peeiʹvtum Aarǥ mõõntõõllmõõžži vuäppaz.

– Sääʹm ouddpeâmmast tuejjeet uuʹcces juâkksin, nuʹtt-ba peeivlaž ämmtallaš verddsõstuärjj pääcc occǩen da äiʹǧǧ veiddsab pedagooglaž saǥstõõllmõõžžid lij čuuʹt occanj. Õõuʹdeempeeiʹvid tuäivat samai jäänmõsân šiõǥǥ mõõntõõllmõõžži juâkkmõõžž da verddsõstuärjain saǥstõõllmõõžžid, da tän taʹrbbe põrggâp vaʹstteed tän vuâra vaʹrrjeeʹl jiânnai saǥstõõllâmääiʹj äʹšštobddiooǥlmi sâjja. Tuâjjpueʹrrvââjjmõõžž nuʹbben jõnn teeʹmmen leäi še oʹnstam vaʹlljummuž maacctõõzz vuâđald. Leäm tuõđi toođvaž obbvuõʹtte, särnn Aikio-Siltala.

Sääʹm õuddpeâmm õõuʹdeempeeiʹv lie jäʹrjstum ânnʼjõõžž nalla eeʹjjest 2017 ääʹljeeʹl aalǥâst kulttuur- da ǩiõllpieʹsstååim õõuʹdeempeiʹvven da mââʹjben pukid sääʹm õuddpeâmm tuâjjlažkooʹddid õhttsažtuâjast AVI:n, da tõiʹd jäʹrjstet 1–2 vuâra eeʹjjest. Õõuʹdeempeeiʹvi tääʹvtõsân lij säimmõõttâd, jueʹǩǩed jurddjid da verddsõstuärjj di noorõõttâd ääiʹjpoddsaž škooultõsääʹšš peällsa.

Lââʹssteâđ:

Sääʹmteʹǧǧ
Niina Aikio-siltala
Ǩiõllpieʹssohjjeei
niina.aikio-siltala(at)samediggi.fi
010 839 3115

Lappi vuʹvddvaaldâšmkoontâr
Satu Pieski
Mättʼtõstååim pâʹjjtaʹrǩsteei
satu.pieski(at)avi.fi
0295 017 366