Sääʹmteʹǧǧ ååcc mieʹrräiggsa vaaldâšmplaaneeʹj

Plaaneeʹj tuâjjan lij Sääʹmteeʹǧǧ vaaldâšmjååʹđteeʹj vuâllsiʹžžen valmštõõllâd takaivaaldšma õhttneei tuâjaid da tåimmad vaaldâšmjååʹđteeʹj vieʹǩǩteeʹjen.

Kääzzkõskõskkvuõđ teâđ

Tuâjj älgg suåppmõõžž mieʹldd vueiʹtlva sõrgg. Mieʹrräiggsaž kääzzkõskõskkvuõđ peštt lij kutt määnpââʹj, vueiʹtlvânji jeäʹnab. Vueiʹtlvaž juätkast suåvât jeäʹrben. Veeʹrj tieuʹddmest jääʹǩǩtet kuõiʹt määnpââʹj ǩiččlõddâmääiʹj.

Tuâjjpäiʹǩǩ lij Aanrest, Sääʹmkulttuurkõõskõs Sajoozzâst.

Ooʒʒjest vueʹrddep

Ââʹntem-mäinnan lij tuâj õõlǥtem suåppi škooultõs da sääʹmǩiõlltäidd (asetõs 1727/95). Tuâj oʹnnsteeʹjes håiddmõõžž ooudâsvieʹǩǩat vaaldšmallaš tuâjai tobddmõš veiddsânji, šiõǥǥ sääʹmkulttuur tobddmõš di odd jiõččnaž, vasttõsvuõđlaž tuejjummša. Ââʹnnep äärvast šiõǥǥ õhttsažtuâjj- da vuârrvaaiktemtääidaid.

Päʹlǩǩ

Plaaneeʹj päʹlǩǩ meäʹrtââvv Sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz IV/III mieʹldd, vuâđđpäʹlǩǩ 2931,34 euʹrred/mp. Vuâđđpääʹlǩ lââʹssen tuâjast määuʹset 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvi ǩiõččlâʹsttemlââʹzz.

Ooccmõš

Ooccmõšlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 5.1.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna). Ooccmõšlomakk

Lââʹssteâđaid tuâjast oudd Sääʹmteeʹǧǧ vaaldâšmjååʹđteeʹjj Pia Ruotsala-Kangasniemi teʹl. 010 839 3106. Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi.

Aanrest 22.12.2025
Sääʹmteʹǧǧ