Sääʹmteʹǧǧ ååcc nuõrttsääʹm ǩiõlltuâjjlaž-jåårǥlõʹtti
Sääʹmteʹǧǧ iʹlmmat ooccâmnalla mieʹrräiggsa nuõrttsääʹm ǩiõlltuâjjlaž-jåårǥlõʹtti tuâj. Tuâjj älgg suåppmõõžž mieʹldd pâʹsslâšttam-mannust 2025. Mieʹrräiggsaž kääzzkõskõskkvuõđ peštt lij 4 mp leʹbe jäänab, ǩidd ååreeʹl kääzzkõskõskkvuõđ tuâjjäiʹǧǧproseeʹntest.
Ǩiõlltuâjjlaž-jåårǥlõʹtti tuâjjan lij håiddad nuõrttsääʹm jåårǥlâʹttem- da terminologiatuâjaid ǩiõllkonttrest. Ǩiõlltuâjjlaž-jåårǥlõʹtti ââʹntemkaiʹbbjõsân lij tuõjju ânnʼjõõvvi õllškooultuʹtǩǩõs leʹbe jeeʹres škooultõs. Lââʹssen jåårǥlõʹtti ââʹntemkaiʹbbjõssân lääʹjjest auktorisõsttum jåårǥlõʹttjin (1231/2007) jurddum vuõiggâdvuõtt toiʹmmjed auktorisõsttum jåårǥlõʹttjen lääʹddǩiõlâst nuõrttsääʹmǩiõʹlle leʹbe nuuʹbbi õõri.
Tuâjast ââʹnet kuõiʹt määnpââʹj ǩiččlõddâmääiʹj.
Tuâj päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/IV leʹbe V/II meâldlânji (vuâđđpäʹlǩǩ 2810,27–2697,63 euʹrred/mp). Vuâđđpääʹlǩ õõl tuâjast määuʹset 24 % sääʹmvuuʹd lââʹzz sääʹm dommvuuʹdest tuejjeʹmen di tuõjju härjjnem mieʹldd meäʹrtõõvvi lõõʹzzid.
Jiijjad maʹlle ǩeeʹrjtum ooccmõšǩeʹrjj di vueiʹtlvaž merittloǥstõk da jeeʹres meâlddõõzz da tuõđštõõzz âʹlǧǧe tooiʹmted Sääʹmteeʹǧǧ piisarkådda 2.3.2025 räjja mõõneeʹst tän ooccmõšlomaakk pääiʹǩ (ävvan ođđ ikkna): Ooccâmlomakk
Lââʹssteâđaid tuâjast oudd sääʹmteeʹǧǧ ǩiõllstaanpiisar Anne Kirste Aikio teʹlf. +358 40 707 5 626 leʹbe anne-kirste.aikio(at)samediggi.fi.
Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.
11.2.2025
Sääʹmteʹǧǧ
