Sääʹmteʹǧǧ iʹlmmat ooccâmnalla tällõspiisar veeʹrj
Tällõspiisar tuâjjan lij jm. ââʹnned huõl Sääʹmteeʹǧǧ tällõsvaaldšmest, seuʹrrjed Sääʹmteeʹǧǧ eeǥǥlaž tällõsarvvlõõzz teâuddjummuž, håiddad ǩeʹrjjtuõʹllʼjummuž da raajjâd tiillčiõlǥtõõzz di ââʹnned huõl Sääʹmteeʹǧǧ veärlaž toiʹmmjummuž riikkveäʹǩǩvuõđi ooccmõõžžâst da tõi âânnmõõžž kuõskki čiõlǥtõõzzi ouddmõõžžâst. Tällõspiisar tuâjain lij mieʹrruum tääʹrǩben Sääʹmteeʹǧǧ tuâjjriâššmõõžž 27 §:st.
Sääʹmteʹǧǧ lij nuʹtt 75 tuâjjla organisaatio, koonn tuâjjla toiʹmmje määŋgpeällsânji jeeʹresnallšem tuâjain da jeeʹres vaʹstteemvuuʹdin. Sääʹmteʹǧǧ lij sääʹmvuuʹdest õhtt miârkteei tuâjjuʹvddjin. Sääʹmteeʹǧǧ tuâjjlai väʹlddtåimmpäiʹǩǩen lij Sääʹmkultturkõõskõs Sajos, Aanrest, leša tuâjjla reâugga veiddsânji jeeʹres åʹrnn Lääʹddjânnmest da sääʹmvuuʹdest.
Tuâjj älgg 18.2.2025 leʹbe suåppmõõžž mieʹldd.
Tällõspiisar toiʹmmai Sääʹmteeʹǧǧ takaikonttrest, õhttsažtuâjast tällõskonttâr jeärrsi tuâjjlaivuiʹm, tällõsplaannʼjin da koontârpiisrin. Tåimmpäiʹǩǩ lij sääʹmkulttuurkõõskõs Sajoozzâst, Aanrest.
Ââʹntemkaiʹbbjõsân lij tuâj ooudldem šiõttlõs škooultõs da sääʹmǩiõl täidd (asetõs 1727/95). Tuâj oʹnstam håiddmõõžž õõudâsvieʹǩǩat ânnʼjõõvvi õllškooultuʹtǩǩõs, šiõǥǥ tällõsvaaldâšm da vaaldšmallaš tuâjai tobddmõš di pueʹr õhttsažtuâjj- da vuârrvaaiktemtääid. Tuâjast oʹnstummuš kaiʹbbai tällõsvaaldâšm silttummuž, fiʹttjõõzz tällõõzzâst, ǩeʹrjjtuõʹllʼjummšest da kooll-laʹsǩǩummšest. Tuâjast taarbšet vaʹstteemvuõđ lââʹssen tärkka tuejjeemnääʹl, soojjlõsvuõđ, analysâʹsttem- da čåuʹddemoodd di oodd määŋgai aaʹšši seämma-äiggsaž vaaldšummša. Vueʹrddep vaalmâšvuõđ jiõččnaž, vaʹstteemvuõđlaž tuejjummša di šiõǥǥ teäddseännmõõžž. Meeʹst ââʹnnmest lij Fennoa liâđǥlaž tällõsvaaldâšm programmstõk laasktummša, mähssjoottlõõǥǥ håiddmõʹšše, raportâsttmõʹšše di ǩeeʹrjtuõʹllʼjummuž vääras, nuʹtt tõi tobddmõõžž ǩiõččât še pueʹrren.
Tällõspiisar päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/III meâldlânji (vuâđđpäʹlǩǩ 2862,63 €). Vuâđđpääʹlǩ õõl tuâjast määuʹset 24 % sääʹmvuuʹd lââʹzz sääʹmvuuʹdest tuejjeeʹn di tuõjju härjjnem mieʹldd meäʹrtõõvvi lõõʹzzid. Veeʹrjest ââʹnet kuuđ määnpââʹj ǩiččlõddâmääiʹj.
Ooccmõš, merittloǥstõk da jeeʹres meâlddõõzz da tuõđštõõzz âʹlǧǧe maaccted Sääʹmteeʹǧǧ piisarkådda 29.11.2024 mõõneeʹst tän ooccmõšlomaakk pääiʹǩ (ävvan ođđ ikkna).
Lââʹssteâđaid tuâjast oudd vaaldâšmjååʹđteei Pia Ruotsala teʹl. 010 839 3106.
Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.
Aanrest 29.10.2024
Sääʹmteʹǧǧ
