Võboršeeʹǩǩ piijjmõš sääʹmteʹǧǧvaalin

Oođeed mieʹrruum sääʹmteʹǧǧvaalid tooiʹmtet 3.6.–1.7.2024.

Ââʹlmõs vaaldâšmvuõiǥâs (KHO) lij mieʹrrääm tooiʹmted sääʹmteʹǧǧvaalid oʹđđest. Vaalin ââʹnet KHO meärrõõzz mieʹldd eeʹjj 2023 sääʹmteʹǧǧvaali vaal-loǥstõõǥǥ, koozz lââʹzzted KHO mieʹrreem oummuid. Tõn diõtt, što oođeed mieʹrruum vaalin ââʹnet seämma vaal-loǥstõõǥǥ ǥu eeʹjj 2023, jeät ođđ ooccmõõžžid ǩiõttʼtõllu täi vaali õhttvuõđâst. 31.12.2022 mâŋŋa puättam ooccmõõžžid ǩiõttʼtõõlât pueʹtti vaali vaal-loǥstõõǥǥ raajjmen.

Sääʹmteeʹǧǧest uvddum lääʹjj (974/95, mutt. 1279/02) 27 § meâldlânji võboršeeʹǩǩ sääʹmteeʹǧǧ vaalin vuäiʹtte šiõtteed ooʹccmõsân kolmm oummu, kookk lie mieʹrǩǩuum jiõnnvuõiggâdvuõttneʹǩǩen sääʹmteeʹǧǧ vaal-loǥstõʹǩǩe. Võboršiiʹǩǩi piijjâm vääras tiuddeed vaʹlljeeiõhttõõzz vuâđđeemäʹššǩeeʹrj da võboršeeʹǩǩ miâsttâmlomaakk, kookk âʹlǧǧe vuâllaǩeeʹrjted da maaccted vaal-luʹvddkådda mââimõõzzâst vueʹssmannu 3. peeiʹv 2024 õuʹddel čiâss 16.00.

Lomaakkid vuäitt priʹnttjed https://samediggi.fi/nuo/vaal-2024/.

Lomaakk võboršeeʹǩǩ piijjmõõžž vääras

Tääʹrǩab teâđaid da priʹnttjum lomaakkid vuäǯǯ vaal-luʹvddkååʹdd konttrest

Sääʹmkulttuurkõõskõs Sajos
Sääʹmteʹǧǧ, vaal-luʹvddkåʹdd
Menesjärventie 2A
99870 Aanar
Teʹlf. 044 720 3106, 044 700 4150, 040 775 2443
leʹbe neʹttpååʹšt mieʹldd vaalit@samediggi.fi leʹbe https://secmail.com/send/m7jcWH7B.

Vaal-luʹvddkåʹdd 


Jueʹjj seeid ooudårra

Jeeʹres ođđâz