Sääʹmteʹǧǧ ååcc mieʹrräiggsa EU-aaʹšši da õhttsallaž ouddmiâsttmõõžž (FPIC) sueʹrǧǧäʹšštoobdi

EU- ja FPIC-sueʹrǧǧäʹšštobddi tåimm väʹǯǯlõs äʹšštobddi- da čiõʹlǧǧeeʹjjtuâjast vaʹstteeʹl EU-aaʹšši valmštõõllmõõžžâst da koordinâsttmõõžžâst di õhttsallaž ouddmiâsttmõõžž (FPIC) kuõskki aaʹšši valmštõõllmõõžžâst da čiõʹlǧǧõõzzâst. Tuâjj juâkkjââvv siiskõõzzâs mieʹldd kueiʹt obbvuõʹtte nuʹt, što EU-aaʹšši valmštõõllmõš kätt 50 % da ouddmiâsttâmääʹšš 50 % tuâjjääiʹjest.

EU-aaʹšši valmštõõllmõʹšše da koordinâsttmõʹšše koʹlle jm.

• praavâd EU tuʹmmstõktuâj da kõskksaž politiikk-, programm- da šiõttõsproseeʹssi ouddnummuž di koordinâʹstted Sääʹmteeʹǧǧ seʹst åårrai EU-valmštõõllmõõžž õhttsažtuâjast sektoori vasttõsveʹrǧǧoummuivuiʹm.
• tueʹrjjeed da vieʹǩǩted Sääʹmteeʹǧǧ EU-peäʹlest välddmõõžži, ciâlklmi da jeeʹres EU-aaʹššid õhttneei äʹššǩiiʹrji siiskõõzz beäʹlnn valmštõõllmõõžžâst,
• õʹhtte suåvted EU-aaʹšši valmštõõllmõʹšše õhttneei äiʹǧǧtaaulid,
• vueiʹnnlõõttâd čõõnâsjooukin da vuässõõttâd taarbšeen Sääʹmteeʹǧǧ tåimmsueʹrj kuõskki saǥstõõllmõõžžid.

Õhttsallaž ouddmiâsttmõõžži (FPIC) valmštõõllmõš da čiõʹlǧǧõstuâjaid koʹlle jm. ouddmiâsttâmooccmõõžži ärvvtõõllmõš, valmštõõllmõš da čiõʹlǧǧõs Sääʹmteeʹǧǧ tuʹtǩǩeemeettlaž suåvtõʹsse, ââʹnned huõl lââʹssčiõʹlǧǧõõzzin, tuʹmmstõõǥǥi tiuʹddepiijjmõõžžâst da praavmõõžžâst. Lââʹssen tuâjaid kooll valmštõõllâd eʹtǩǩõs õhttsallaž ouddmiâsttmõõžž miõttmõõžž kuõskki mõõntõõllmõššân eeʹjj 2027 mâʹŋŋlab poʹdde.

Kääzzkõskõskkvuõđ teâđ

Tuâjj älgg suåppmõõžž mieʹldd vueiʹtlva sõrgg da peštt 31.12.2027 räjja. Tuâj teâuddmõõžžâst jääʹǩǩtet neellj määnpââʹj ǩiččlõddâmääiʹj.

Mieʹrräiggsa sueʹrǧǧäʹšštoobdi tuâjj sâjjdâtt Sääʹmteeʹǧǧ takaikonttâr vuâlažvuõʹtte.

Sääʹmteeʹǧǧ tåimmpäiʹǩǩ lij sääʹmkulttuurkõõskõs Sajoozzâst, Aanrest, leša tuâj lij vueiʹtlvaž tuejjeed ougglõstuâjjan.

Ooʒʒjest vueʹrddep

Šiõttõsvuâđlaž ââʹntemõõlǥtõssân lij tuâj õõlǥtem suåvlaž škooultõs da lââʹssen õõlǥtet sääʹmǩiõl tääid (Sääʹmteeʹǧǧ tuâjjriâššmõš 71 §).

Tuâj oʹnnsteeʹjes håiddmõš õõlǥat:

• suåvlaž pââibu õllškoultuʹtǩǩõõzz
• samai pueʹr ǩeerjlaž da njäälmlaž õlmmeemoodd
• ǩiõččlâsttmõõžž õõlǥteei äʹšštobddi- da valmštõõllâmtuâjain
• pueʹrr õhttsažtuâjj-, vuârrvaaiktõs- da saǥstõõllâmtääidaid
• oodd jiõččniʹžže tuâj tuejjummša, obbvuõđi vaaldšummša da äiʹǧǧtaauli koordinâsttmõʹšše.
• samai pueʹr eŋgglõsǩiõl tääid

Tuâj håiddmõõžž ooudâsvieʹǩǩat jeäʹrben:

• EU-politiikk da EU šiõttõs- da programmproseeʹssi tobddmõš
• sääʹmkulttuur, säʹmmlai vuõiggâdvuõđi da säʹmmlai dommvuuʹd jieʹllemåårrmõõžži pueʹrr tobddmõš
• FPIC-vuâđđjurddi da tõõzz õhttneei vuõiggâdvuõđlaž da eettlaž kõõččmõõžži tobddmõš.

Päʹlǩǩvuõtt

Paʹlǩǩvuõtt meäʹrtââvv Sääʹmteeʹǧǧ paʹlǩǩvuõttriâžldõõǥǥ väʹǯǯelvuõtt-tääʹzz IV/II mieʹldd, vuâđđpäʹlǩǩ 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.

Ooccmõš

Ooccâmlomakk, di jiõččtäättlaž, jiijjâz maʹlle ǩeeʹrjtum ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz (ǩeerjlaž tuõđštõõzz ǩiõlltääidast da tuʹtǩǩõõzzin) âʹlǧǧe tååimted Sääʹmteeʹǧǧ piisarkådda 28.5.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna):

• Ooccâmlomakk

Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi pia.ruotsala(at)samediggi.fi, teʹl. 040 726 2688.

Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi

Aanrest 7.5.2026
Sääʹmteʹǧǧ