Sääʹmteʹǧǧ ååcc sääʹmjieʹllemvuõʹjji da mäddâânnmõõžž sueʹrǧǧäʹšštoobdi veeʹrjsâjjsa
Sääʹmteʹǧǧ iʹlmmat ooccâmnalla sääʹmjieʹllemvuõʹjji da mäddâânnmõõžž sueʹrǧǧäʹšštoobdi veeʹrjsâjjsažvuõđ.
Sääʹmteeʹǧǧ sääʹmjieʹllemvuõʹjji da mäddâânnmõõžž sueʹrǧǧäʹšštoobdi tuâj liâ looǥǥtõllum Sääʹmteeʹǧǧ tuâjjriâššmõõžžâst pääiʹǩest 50 §. Sueʹrǧǧäʹšštoobdi tuâjjan lij jm. valmštõõllâd säʹmmlai jieʹllemvuõʹjjid da tõi ooudâsviikkmõʹšše õhttneei aaʹššid lokku vääʹldeeʹl säʹmmlai äʹrbbvuõđlaž teâtt, valmštõõllâd tåimmsuõʹrjes beäʹlnn sääʹmvuuʹd mäddâânnmõõžž kuõskki di vaaiktõõzzi beäʹlest tok vuällai aaʹššid di tåimmad jieʹllemvueʹǩǩ- da vuõiggâdvuõttluʹvddkååʹdd čiõʹlǧǧeeʹjen.
Kääzzkõskõskkvuõđ teâđ
Tuâjj älgg suåppmõõžž mieʹldd vueiʹtlva sõrgg. Veeʹrjsâjjsažvuõtt peštt kålggmännǥa 2027 räjja.
Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.
Sääʹmjieʹllemvuõʹjji da mäddâânnmõõžž sueʹrǧǧäʹšštoobdi tuâjj sâjjdâtt sääʹmteeʹǧǧest takai konttra. Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst Aanrest. Tuâj lij vueiʹtlvaž tuejjeed vuäzzas ougglõstuâjjan.
Ooʒʒjest vueʹrddep
Šiõttõsvuâđliʹžžen ââʹntemõõlǥtõssân lij veeʹrj ooudldem škooultõs da lââʹssen õõlǥtet sääʹmǩiõl silttummuž (asetõs 1727/95). Tuâj oʹnnsteeʹjes håiddmõš õõlǥat pueʹrr sääʹmkulttuur da äʹrbbvuõđlaž teâđ tobddmõõžž, pueʹrr sääʹmjieʹllemvuõʹjji di sääʹmvuuʹd tobddmõõžž, ǩiõččlâsttmõõžž vaaldšemvuõđlai tuâjain di pueʹrr õhttsažtuâjj- da saǥstõõllâmtääidaid. Vueʹrddep samai pueʹr ǩeerjlaž õlmmummuž, jiõččnaž tuâjjnääʹl, pueʹrr organisâʹsttem- da teäddǩiõrddâmpâstlvažvuõđ.
Päʹlǩǩvuõtt
Paʹlǩǩvuõtt meäʹrtââvv Sääʹmteeʹǧǧ paʹlǩǩvuõttriâžldõõǥǥ väʹǯǯelvuõtt-tääʹzz IV/II mieʹldd, vuâđđpäʹlǩǩ 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 27.5.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. 010 833 106.
Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi.
Aanrest 13.5.2026
Sääʹmteʹǧǧ
