Lääʹǩǩhäämas ođđ sääʹmteʹǧǧlääʹǩǩen ouddnam luʹvddkooʹddi ǩiõttʼtõõllâmnalla

Lääʹǩǩhäämas ođđ sääʹmteʹǧǧlääʹǩǩen lij ååʹn Sääʹmteeʹǧǧ luʹvddkooʹddi ǩiõttʼtõõllâmnalla. Ceäʹlǩǩemäiʹǧǧ puuđi sueiʹnnmannu looppâst da noori nuʹtt 50 ceâlklmed veʹrǧǧniiʹǩǩin, õutstõõzzin di oʹdinakai oummin. Sääʹmteeʹǧǧ sååbbar ǩiõttʼtââll lääʹǩǩhämmaz såbbreʹstes čõhččmannu 14. peeiʹv.

Lääʹǩǩhäämas ođđ sääʹmteʹǧǧlääʹǩǩen šõõddi ceäʹlǩǩemnalla ǩieʹssmannust da mieʹrräiʹǧǧ ceâlklmid leäi sueiʹnnmannu 27. peeiʹv. Mieʹrräigga mõõneeʹst ceâlkalm puõʹtte nuʹtt 50 jeeʹres tuåimmjest.

– Leäm toođvaž uvddum ceâlklmi jõnn mieʹrre, da späʹssbõõžžam pukid ceâlkalm ouddam vueʹsspieʹlid. Lij samai miõlǩieʹssi piâssâd vueiʹnned obbvuõđ ceâlkalm-määcctõõzzâst. Sääʹmteeʹǧǧ siiskâž ǩiõttʼtõõllmõš älgg luʹvddkooʹddin da ouddan alggčõõuč ääiʹj Sääʹmteeʹǧǧ tiuddsåbbra”, särnn õiʹdde tuõjju eeʹǩǩluäʹmest mäccam Sääʹmteeʹǧǧ saaǥǥjååʹđteei Tiina Sanila-Aikio.

Väʹlddvueʹss sääʹmteʹǧǧlääʹǩǩhämmsest uvddum ceâlklmin lij lookkâmnalla lausuntopalvelu-neʹttseeidain. Lââʹssen vueʹss ceâlklmin lij õlmstõttum vuõiggâdvuõttministeria seeidain.

Lääʹǩǩhämmaz ǩiõttʼtõõllmõõžž ouddnem Sääʹmteeʹǧǧest:

• Luʹvddkååʹdd ouʹdde ceâlklmeez halltõʹsse 16.8. mõõneeʹst
• Halltõs ǩiõttʼtââll lääʹǩǩhämmaz såbbriʹnes 17.8. da 31.8.
• Sääʹmteʹǧǧlääʹjj 9 paragraaff meâldlaž saǥstõõllmõš vuõiggâdvuõttministeriain 20.8.
• Sääʹmteeʹǧǧ sååbbar ǩiõttʼtââll lääʹǩǩhämmaz såbbreʹstes 14.9.

Lââʹssteâđ:

Sääʹmteeʹǧǧ saaǥǥjååʹđteei Tiina Sanila-Aikio teʹl. 050 300 1780, tiina.sanila-aikio(at)samediggi.fi