Ođđ nuõrttsääʹmǩiõllsaž mättmateriaali Äʹrbb oudd vieʹǩǩ alggmätt’tõʹsse
Sääʹmteʹǧǧ õlmstâtt ođđ mättǩeeʹrj alggmätt’tõʹsse. Äʹrbb lij nuõrttsääʹmǩiõllsaž jieʹnnǩiõl da ǩeerjlažvuõđ mättʼtõʹsse plaanum mättǩeʹrjj, kååʹtt tiuddad da ǩeârddad vuõssmõs lookkâmeeʹjj äʹššvuuʹdid. Ǩeʹrjj suåpp 1. klaass ǩiđđpâjja leʹbe 2. klaass čõhččpâjja škoouneeʹǩǩ õuddenm meâldlanji. Ǩeeʹrj vuäitt še ââʹnned jeeʹres ǩiiʹrji paaldâst vuõssmõs škoouleeʹjj äiʹǧǧen. Õuʹddel ǩeeʹrj ââʹnnmavälddmõõžž škooulneʹǩǩ õõlǥči tobddâd bukvaid da õhtteed tõid vuäʹnkõs sääʹnnen.
Äʹrbb-mättǩeeʹrj määŋgpeällsaž da õuddneei haʹrjjtõõzz loŋŋte škooulneeʹǩǩ ǩeeʹrjted âinn reggsab ǩiõl. Äʹššvuuʹdid ǩiõttʼtõõlât jiiʹjjez-i obbvuõttân da sââʹjj lij pijjum še jiõččäʹrvvtõõllmõʹšše da verddsažmaacctõʹsse. Sääʹmteeʹǧǧ õlmstâʹttem tâʹvvsääʹmǩiõllsaž alggǩeeʹrj Árdna lij raajjâm pesiaalklaassuʹčtel Aura Pieski da ǩeeʹrj kaartid lij pirstam ǨIÕČČ-ǩeʹrjjrääidast toobdâs kovvčeäppõsneǩ Nora Bäck. Ååʹn õlmstõttum nuõrttsääʹmǩiõllsaž Äʹrbb ǩiõllversio lij sääʹmǩiõʹlle da kulttuure šiõtteeʹl jåårǥlâttam Esther Berelowitsch õõutâst Maria Porsangerin.
Ǩiiʹrjid vuäitt tiʹllʼjed Sääʹmteeʹǧǧ neʹttkaaupâst:
Lââʹssteâđ:
Raija Lehtola
Mättmateriaalplaaneei
050 573 9525
raija.lehtola@samediggi.fi
