Sääʹmǩiõli ougglõsmättʼtõshaʹŋǩǩõõzz mättʼtõõttimieʹrr lâssan – võl ǩiõrggân iʹlmmtõõttâd mättʼtõʹsse
Sääʹmǩiõli ougglõsõhttvuõđid äuʹǩǩeei mättʼtõõzz pilotthaʹŋǩǩõõzz mättʼtõõttimieʹrr lâssan. Lookkâmeeʹjj 2018–2019 õhttsiʹžže nuʹt 50 mättʼtõõttjed liâ vuäǯǯam haʹŋǩǩõõzz ouggʹlestmättʼtõõzz. Lookkâmekka 2019–2020 liâ iʹlmmtum pâʹjjel 60 mättʼtõõtti. Iʹlmmtõõttâmäiʹǧǧ pueʹtti lookkâmeeʹjj mättʼtõʹsse puuđi täʹlvvmannust da iʹlmmtõõttmõõžž puõʹtte jeänaš digitaalʼlaž lomaaʹǩǩin. Haʹŋǩǩõõzz mättʼtõs lij vuâđđmättʼtõs da lookkjiškooultõõzz tiuddeei sääʹmiǩiõli mättʼtõs 2 čiâss neäʹttlest/mättʼtõsneäʹttlest. Lookkâmeeʹjj 2019–2020 haʹŋǩǩõs pilotâstt sääʹmǩiõli mättʼtõõzz ouddškooul mättʼtõõzzâst še.
Håʹt takai iʹlmmtõõttâmäiʹǧǧ mättʼtõʹsse lij puuttâm, de haʹŋǩǩõs väldd võl ođđ mättʼtõõttjid tän ǩiđđlookkâmpâjja da lookkâmeeʹjj 2019–2020 mättʼtõʹsse. Huõlteei, ǩeäk haaʹlee pääʹrneez aanar– nuõrtt- leʹbe tâʹvvsääʹm mättʼtõõzz säʹmmlai päiʹǩǩvuud ååuǥpeäʹlnn, vueiʹtte väʹldded õhttvuõđ Arla Maggan, arla.magga(at)samediggi.fi, 040 1985 033. Mieʹrren lij, štõ haʹŋǩǩõs peejj šiõttlõs mättʼtõsjooukid di sääʹmǩiõli mättʼtõspeeiʹvid da -aaiʹjid njuhččmannu räjja, koonn mâŋŋa tõid vuõltteet teâttan mättʼtõõttji päiʹǩǩškooulid.
Laassteâđ:
Projeʹkttjååʹđteei Eila Tapiola, eila.tapiola(at)utsjoki.fi, 040 7012 094
Projeʹkttkoordinaattor Arla Magga, arla.magga(at)samediggi.fi, 040 1985 033
