Sääʹmteʹǧǧ ååcc mieʹrräiggsaž projeʹktt-tuâjjla Sääʹmǩiõtt-tuâjj Akatemia (Duodji Akademia) -vuõssčiõlǥtõshaʹŋǩǩõʹsse

Projeʹktt-tuâjjla tuâjjan lij valmštõõllâd haʹŋǩǩõsooccmõš Sääʹmǩiõtt-tuâjj Akatemia -haʹŋǩǩõõzzâst. Sääʹmǩiõtt-tuâjj Akatemia -haʹŋǩǩõõzz täävtõssân lij raajjâd säimmõõzzid sääʹmǩiõtt-tuâjjlai kõʹsǩǩe, ooudâsvieʹǩǩted raajid râstldeei õhttsažtuâj sääʹmǩiõtt-tuâjj seʹst, tuärjjeed da tuõrvvâd sääʹmǩiõtt-tuõjju õhttneei äʹrbbvuõđlaž teâđ serddmõš puõlvvõõǥǥâst nobba di suõjjeed sääʹmǩiõtt-tuâj sââʹj pieʹǩǩen sääʹm kulttuurääʹrb. Tuâjjla tuõjju kooll haʹŋǩǩõsooccmõõžž valmštõõllmõõžž diõtt teâđ noorrmõš, ooccmõõžž ǩeeʹrjtummuž di õhttvuõđâânnmõš da haʹŋǩǩõsvalmštõõllmõš õõutveäkka õhttsažtuâjjkuõiʹmivuiʹm Taarrâst da Lääʹddjânnmest, di vueiʹtlvai haʹŋǩǩõskueiʹmmvuõđi kaartʼtummuž Ruõccâst.

Tuâjj älgg tâʹlles da peštt 31.8.2024 räjja. Tuâjj lij vueʹssäiggsaž, 60–70 % obbtuâjjääiʹjest. Tuâj lij vueiʹtlvaž tuejjeed ougglõstuâjjan.

Ââʹntem-mäinnan lij tuâj õõlǥtem suåppi škooultõs da sääʹmǩiõl täidd (asetõs 1727/95). Ââʹnnep äärvast oodd jiõččniʹžže da samai tääʹrǩes tuejjummša, pueʹrr õhttsažtuâjj- da vuârrvaaiktemtääidaid, ǩiõččlâsttmõõžž projeʹktt-tuâjast di čiõlgg ǩeerjlaž saakkeemtääidaid. Tuâj oʹnnsteeʹjes håiddmõš õõlǥat säʹmmlai äʹrbbvuõđlaž ǩiõtt-tuâj, sääʹmǩiõtt-tuâj tobddmõõžž di oodd meeraikõskksaž õhttsažtuõjju.

Päʹlǩǩ meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz V/II mieʹldd (vuâđđpäʹlǩǩ obbtuâjjaaiʹjin 2432,19 euʹrred/mp). Vuâđđpääʹlǩ lââʹssen määuʹset sääʹmvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvi ǩiõččlâʹsttemlââʹzz.

Jiijjâs maal meâldlaž ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 9.5.2024 mõõneeʹst tän ooccâmlomaakk pääiʹǩ (ävvan ođđ ikkna).

Sääʹmteʹǧǧ lij vuäǯǯam Sääʹmǩiõtt-tuâjj Akatemia -vuõssčiõlǥtõshaʹŋǩǩõõzz Interreg Aurora haʹŋǩǩõsteäggtõõzz 17 500 e.

Lââʹssteâđaid tuâjast õudd vaaldâšmjååʹđteeʹjj Pia Ruotsala-Kangasniemi teʹl. +358 (0) 10 839 3106, pia.ruotsala(at)samediggi.fi

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 25.4.2024
Sääʹmteʹǧǧ