STM kaaggi puäʒʒhåiddji sâjjsažveäʹǩǩčiâssi eeʹjj 2024 jäänmõsmeäʹr 200 čieʹsse
Sosiaal- da tiõrvâsvuõttministeria lij raavääm puäʒʒhåiddji koʹrvvuum sâjjsažveäʹǩǩčiâssi jäänmõsmieʹrren 200 sâjjsažveäʹǩǩčiâssâd puäʒʒhåiddai õõl eeʹjj 2024. STM uuʹdi asetõõzz 16.9.2024.
–Ääiʹjben sâjjsažvieʹǩǩ jäänmõsčiâssmieʹrren eeǥǥas 2024 šiõtteeš sosiaal- da tiõrvâsvuõttministeria asetõõzzin 130 čiâssâd puäʒʒhåiddai õõl. Teʹl kuuitâǥ tuõʹtteš, što asetõõzz vuäitčet mâʹŋŋlõbân muʹtted da sâjjsažveäʹǩǩčiâssi jäänmõsmeäʹr ââʹleed, jos sâjjsažveäʹǩǩriâšldõõǥǥ mieʹrrteäʹǧǧvueʹjjest šõõddče muttâz eeʹjj 2024 äiʹǧǧen. Nääiʹt lij mâŋŋa tõʹst šõddâm, iʹlmmtet STM teâđtõõzzâst.
Asetõs puätt viõʹǩǩe 1.10.2024 da lij viõǥǥâst 31.12.2024 räjja.
Lââʹssteâđaid ooccmõšmõõntõõllmõõžžâst vuäǯǯ Mäddtäällpõõrǥâsniiʹǩǩi jeältõkstroiʹttlest: Mäddtäällniiʹǩǩi jeältõkstrooiʹtel Mela
Sääʹmteʹǧǧ eʹtǩǩääm sâjjsažveäʹǩǩčiâssi meäʹr kaggmõõžž ânnʼjõõžž taarb vaʹstteei tässa
Sääʹmteʹǧǧ ännõõđi täʹlvvmannust ääv ǩeeʹrj mieʹldd eeʹttiǩ-kåʹddjoouki da peällõõǥǥi saaǥǥjååʹđteeʹji peälla puäʒʒhåiddji sâjjsažveäʹǩǩčiâssi meäʹr kaggâm diõtt riʹjttjeei tässa, ooʹccmõsân 300 čieʹsse eeʹjjest.
Sääʹmteʹǧǧ puuʹti ǩeeʹrj mieʹldd, seämma ǥu ministerkaaunõõttmõõžžâst vueʹssmannust 2024 Sanni Grahn-Laasonein õuʹdde še ânnʼjõž puäʒʒhåiddji sâjjsažveäʹǩǩlääʹjjšiõtteem rââžžeem sooǥǥpieʹli kõskksaž tääʹssäärv teâuddjummuž da puäʒʒhåiddji reâuggpueʹrrvââjjam õõudummuž. Sâjjsažveäʹǩǩ lij õhtt tääʹrǩes tuâjjneävv, koin vueiʹtet tuärjjeed puäʒʒhåiddai fyyslaž da psyykklaž vuäittmõõžž, tiõrvâsvuõđ da toiʹmmjemääʹpp loʹsses tuâjast.
– Ânnʼjõõžž puäʒʒhåiddji sâjjsažveäʹǩǩriâšldõõǥǥ õõlǥči õõuʹdeed nuʹtt, što tõt da viiǥǥči õõudâs õõutverddsažvuõđ da vaʹstteʹči tuõtt taʹrbbe. Puäʒʒhåiddji puõʒʒâlm da pooʹmhi vääras ââʹnnemnalla åårrai sâjjsažveäʹǩǩčiâssi meäʹr õõlǥči kaggâd ooʹccmõsân 300 čieʹsse eeʹjjest, särnn Sääʹmteeʹǧǧ I väärrsaaǥǥtuõʹllʼjeei Leo Aikio.
Sääʹmteʹǧǧ haaʹlad teâđted lââʹssčiâssin, što tõid vuäitt ââʹnned veâl ǩirrsaž pikalõspââʹj äiʹǧǧen.
Lââʹssteâđ:
Leo Aikio
I väärrsaaǥǥjååʹđteei
040 621 6505
leo.aikio@samediggi.fi
