Suåvâdvuõttproseeʹss saǥstõõllâmpooddi äiʹǧǧtaull
Riikk kooll ååʹn säʹmmlai jurddjid, tuäivjid, huõlid da eʹtǩǩõõzzid suåvâdvuõttproseeʹss pirr ääʹv saǥstõõllâmpooddin Sääʹmjânnmest da šuurmõs gåårdin Lääʹddjânnmest. Tääʹiben kaaunak äiʹǧǧtaaul raavuum saǥstõõllâmpooddin.
ČEʹVETJÄUʹRR mâ 8.5. čiâss 18-21, sääʹmpõrtt, saǥstõõllâmpoodd riâššât õhttsažtuâjast Sääʹmkulttuurfoondin.
LISMA mâ 15.5. čiâss 15-18, Susanna Näkkäläjärvi põõrtâst, saǥstõõllâmpoodd riâššât õhttsažtuâjast Lisma sijddoummivuiʹm.
NJEÄʹLLEM ne 16.5. čiâss 10-13, Njeäʹllem sijddpõõrtâst, saǥstõõllâmpoodd riâššât õhttsažtuâjast aanarsääʹmǩiõl saǥstõõllâmkuursin.
ÂʹVVEL ne 16.5. čiâss 18-21, Matkahuolto Kuuputti, saǥstõõllâmpoodd riâššât õhttsažtuâjast Âʹvvel škoouli tâʹvvsääʹmǩiõllsai puärrsivuiʹm.
AANAR ne 17.5. čiâss 18-21, Siida Kammi, saǥstõõllâmpoodd riâššât õhttsažtuâjast SámiSosterin da Suomen porosaamelaiset rõ:in.
AANAR pi 18.5. čiâss 18-21, Siida Kammi, saǥstõõllâmpoodd riâššât õhttsažtuâjast Aanaar sämmiliih rõ:in.
ÂʹVVEL su 19.5. čiâss 12-15, Ortodokss-sieʹbrkååʹdd sieʹbrkåʹddpõrtt saǥstõõllâmpoodd riâššât õhttsažtuâjast Njeäʹllem-Keväjääuʹr sääʹmsuåvtõõzzin.
ÂʹVVEL su 19.5. čiâss 16-19, Aanar kååʹdd väʹlddõskueʹrnec, saǥstõõllâmpoodd riâššât õhttsažtuâjast Inarinmaan Lapinkyläyhdistys rõ:in
ÂʹVVEL su 20.5. čiâss 18-21, Aanar kååʹdd väʹlddõskueʹrnec, saǥstõõllâmpoodd riâššât õhttsažtuâjast Anarâšâh rs:in (Inarinsaamelaiset ry).
ANGELI vu 21.5. čiâss 18-21, Vullebáikki, saǥstõõllâmpoodd riâššât õhttsažtuâjast Angel sijddoummivuiʹm.
LEMMENJOKI mâ 22.5. čiâss 17-20, Ahkun Tupa, saǥstõõllâmpoodd riâššât õhttsažtuâjast Anára Sámisearvi rõ:in.
VUÂČČ se 23.5. čiâss 18–21, SamiSoster Mokta-põrtt, saǥstõõllâmpoodd riâššât õõutveäkka Vuohccu Sámiid Searvi rõ:in.
RUÄʹVNJARGG ne 24.5.2018 čiâss 17 – 19, MLL tuåimmpäiʹǩǩ (Pirkkakatu 2, MLL piârtoiʹmmjemkõõskõs), saǥstõõllâmpoodd riâššât õhttsažtuâjast Ruäʹvnjaarǥ sääʹmõhttõs MII rõ:in.
Saǥstõõllâmpooddin riâššât še Jeänõõǥǥâst da Ǩiõttvaaʹrdest, Kutturast, Vuâččast da gåårdin mâʹte Ruäʹvnjaarǥâst, Oulust, Tampereest, Jyväskylä-gåårdest da Heʹlssnest. Saǥstõõllâmpooddi jäʹrjstõõllmõõžžin da õʹhtte kåččmest veäʹǩǩen lie leämmaž vuuʹdin toiʹmmjeei õhttõõzz di pääiklažtobddi.
Riikksuåvtõõzz kanslia da vuõiggâdvuõttministeria õhttsažtuâjast Sääʹmteeʹǧǧin lie kaartʼteʹmmen mõõn nalla suåvâdvuõttproseʹss (komissio) õõlǥči piijjâd toiʹmme da mõõnnallšem jiõčč proseeʹssest vaʹstteei čõõnteʹmes komissio tuâjj da norrõõzz õõlǥči leeʹd. Vueiʹtlvanji šiõtteemnalla åårrai komissio mandaatt, nõõm leʹbe norrõõzz pirr jie leäkku veâl tuejjuum tuʹmmstõõǥǥ.
Lääʹddjânnam halltõs lij 19.10.2017 iʹlmmtam altteʹmmes sääʹmaaʹššid ǩiõttʼtõõlli suåvâdvuõttproseeʹss. Tõn aalǥtem pirr halltõs lij saǥstõõllâm õõutsââʹjest Sääʹmteeʹǧǧin. Alttõs prosessa lij puättam Sääʹmteeʹǧǧest.
Lââʹssteâđ: spesiaaläʹšštobddi Anni-Kristiina Juuso, riikksuåvtõõzz kanslia, t. +358 295 1601 69.
