Vaaläʹššǩiiʹrji seeiltummuš

Võboršeǩloǥstõõǥǥ, jiõnstemliippid da jiõnstam oummid kuõskki mieʹrǩǩummšin vaʹrrjum vaal-loǥstõõǥǥ da vaalin õnnum jeeʹres aunstõõzz seeiltet nuʹt mâʹte tõn diõtt jeeʹrben šiõtteet.

Sääʹmteeʹǧǧ vaali vaaläʹššǩiiʹrjid da vaalin õnnum jeeʹres aunstõõzz âlgg seeilted nuʹt, što teâttsuõjj lij ainsmõttum. Äʹššǩiiʹrji seeiltummšest põõššinalla šiõtteet arkiivlääʹjj (831/1994) 8 §:st. Jeeʹres äʹššǩiiʹrjid seeiltet, sa pueʹtti vaal lie tååimtum, lååʹppooccmõõžžid da tõid vuåǯǯum vaʹsttõõzzid di meärrõsǩiiʹrjid kuuitâǥ vaal-luʹvddkååʹdd tuʹmmeem mieʹrrääiʹj.

Teâttkäivv: Lääʹǩǩ sääʹmteeʹǧǧest 17.7.1995/974