Válgalávdegoddi

Sámedikki ásahan válgalávdegotti bargun lea válmmaštallat ja ollašuhttit Sámedikki válggaid. Válgalávdegoddi gieđahallá ohcamušaid válgalogahallamii, mearrida ohcci merkemis dasa ja ráhkada válgalogahallama. Válgalávdegotti bargguide gullá dasa lassin statistihkaid ráhkadeapmi ee. jietnavuoigatvuođalaš olbmuid ja sámegiela hálliid mearis.

Válgalávdegoddái gullet ságajođiheaddji ja guhtta eará lahtu, sis juohkehaččas lea persovnnalaš várrelahttu. Lávdegottis galgá leat lahttu ja várrelahttu Anára, Ohcejoga ja Eanodaga gielddain ja maid Soađegili gieldda Lappi bálgosa guovllus. Válgalávdegottis galgá leat maid sámi giellalága (1086/2003) 3 § 1 logus oaivvilduvvon sámegielaid áššedovdámuš.

Sámedikki stivrra lahttu dahje várrelahttu dahje nuppástusohcanlávdegotti lahttu dahje várrelahttu ii sáhte leat válgalávdegotti lahttun iige várrelahttun.