Äʹrbb – Ohtsâš strategia kulttuuráárbán já ärbivuáválii tiätun

Váldu-ulmeh já vaikuttâsah

• Nanoduvvoo sämmilijn vyelgee já raajijd rastaldittee oovtâstpargo immateriaallii kulttuuräärbi (ICH) já ärbivuáválii tiäđu turviimist.
• Hämmejuvvojeh ohtsiih prinsiipeh kulttuuräärbi ovdâsvástádâslii kevttim já suojâlem várás.
• Nanoduvvojeh sämmilij jiešmeridemvuoigâdvuotâ sehe immateriaallii kulttuuräärbi já ärbivuáválii tiäđu kunnijâttee kevttim stivrejeijee prinsiipeh mieldi luhâmáin rijjâ já tiätun vuáđuduvvee munemietâmâš (FPIC).
• Tuárjoo ärbivuáválii tiäđu já kulttuuräärbi sirdâšum puáttee suhâpuolváid.
• Lasettuvvojeh tiätu já ibárdâs sämmilii kulttuuräärbi merhâšuumeest.
• Jieŋâlmittoo Suomâ já Taažâ Sämitiigij oovtâstpargo.

Konkreetliih ulmeh já tooimah

• Olášuttojeh piilootinventistmeh sämmilii immateriaallii kulttuuräärbist já ärbivuáválii tiäđust.
• Ovdeduvvojeh ohtsiih prinsiipeh, moh vuáđuduveh sämisiärváduvâi miäruštâllâm tárboid, kollektiivlii omâstemvuotân já FPIC-prinsiipân.
• Uárnejuvvojeh pargopáájáh, teivâdmeh já vuárusavâstâllâm sämisiärvusijguin.
• Čuákkejuvvojeh tiäđuh já vuáttámušah puáttee kulttuurärbipargo toorjân.
• Ráhtoo Suomâ já Taažâ Sämitiigij ohtsâš strategisâš linjim immateriaallii kulttuuräärbi (ICH) turviimist já kunnijâttee kiävtust.

Äʹrbb -haahâ kulá Säämi parlamentaarlii rääđi toimâvuáváámân já oovded ton uulmijd sämmilii kulttuuräärbi já ärbivuáválii tiäđu turvim já ohtsii strategia ovdedem várás. Ruotâ Sämitigge ij lah haavâ virgálâš kyeimi, mutâ Ruotâ pele sämisiärváduvâi uáinuh váldojeh vuotân Säämi parlamentaarlii rääđi peht. Ruotâ Sämitiigán juáhhojeh haavâ kuávdáš tiäđuh já tot puávdejuvvoo ohtsijd tilálâšvuođáid. Haahâ vuáđuduvá UNESCO immateriaallii kulttuuräärbi suoijâlmân kyeskee almossopâmuš prinsiipáid, moh heiviittuvvojeh sämmilii uáinust.