Jieʹllemvueʹǩǩ- da vuõiggâdvuõttluʹvddkåʹdd
Jieʹllemvueʹǩǩ- da vuõiggâdvuõttluʹvddkåʹdd ǩiõttʼtââll säʹmmlai vuõiggâdvuõđid, jieʹllemvuõʹjjid da kulttuurääʹrb di sääʹm dommvuuʹd pirrõõzz da mäddâânnmõõžž kuõskki aaʹššid. Luʹvddkåʹdd valmštââll täid teemaid kuõskki Sääʹmteeʹǧǧ eʹtǩǩõõzzid, aalǥtõõzzid, ciâlkmid di jeeʹres peäʹlestvälddmõõžžid. Luʹvddkåʹdd tåimm Sääʹmteeʹǧǧ halltõõzz vuâllsažvuõđâst.
- Luʹvddkååʹdd tuåimmje halltõõzz vuâllsiʹžžen valmštõõleeʹl jiiʹjjes tuåimmvoudda kuulli aaʹššid da tuejjeeʹl tuʹmmstõõǥǥid jiiʹjjes suârgga kuulli vaaʹri jueʹǩǩmest da ââʹnnmest.
- Luʹvddkooʹddi saaǥǥjååʹđteei da väärrsaaǥǥjååʹđteei âʹlǧǧe leeʹd Sääʹmteeʹǧǧ väʹlddveârlaž vuäzzla. Sij lââʹssen juõʹǩǩ luʹvddkådda koʹlle vitt jeeʹres vuäzzla da juõʹǩǩʼkiʹžže jiiʹjjes väärrvuäzzlaž.
- Luʹvddkååʹdd âʹlǧǧe eeʹttkâʹstted nuʹtt puârast ko vueiʹtlvaž Lääʹddjânnam säʹmmlai ǩiõlʼlaž da vooudlaž jooukid da šiõǥǥ äʹšštobddmõõžž tuåimmvuuʹdstes. Luʹvddkooʹddi tuâjain lij mieʹrruum Sääʹmteeʹǧǧ tuâjjriâššmõõžžâst.
Luʹvddkådda tuåimmpââʹj 2024–2027 kuulli vuäzzla da väärrvuäzzla:
Vuäzzla
Nilla Tapiola, saaǥǥjååʹđteei
Veikko Feodoroff, väärrsaaǥǥjååʹđteei
Kirsti Saijets
Marjaana Aikio
Kari Kyrö
Armi Palonoja
Nils-Johan Labba
Väärrvuäzzla
Anni-Sofia Niittyvuopio
Heidi Hänninen
Marko Katajamaa
Jan Saijets
Kaisu Nikula
Nilla Hirvasvuopio
Juhán-Tuommá Magga
Tuâjaid kooll:
- Valmštõõllâd vaalpââʹj ääiǥas säʹmmlai vuõiggâdvuõtt-, jieʹllemvueʹǩǩ-, kulttuuräʹrbb- da pirrõspoliittlaž prograamm njoonaštäävtõõzzineez. Prograammâst meärtõõlât luʹvddkååʹdd tåimmsueʹrj vääžnmõs täävtõõzz da tååim vaalpâjja da tõt tuärjjad Sääʹmteeʹǧǧ vaalpââʹj tåimmamprogramm čõõđviikkmõõžž;
- valmštõõllâd eʹtǩǩõõzzid, aalǥtõõzzid, ciâlklmid da jeeʹres peäʹlestvälddmõõžžid, kook kueʹsǩǩe säʹmmlai vuõiggâdvuõttsââʹj, jieʹllemvuõʹjjid, aunnsallaž kulttuurääʹrb da aaunâsteʹmes kulttuurääʹrb di säʹmmlai dommvuuʹd pirrõõzz da mäddâânnmõõžž;
- tueʹjjeed õhttsažtuâj čõõnâsjoouki da veʹrǧǧniiʹǩǩivuiʹm;
- viikkâd ooudâs sääʹm vuõiggâdvuõttsâjja õhttneei tâʹvvjânnmallaž sääʹmõhttsažtuâj;
- viikkâd ooudâs säʹmmlai vuõiggâdvuõttsâjja õhttneei, jieʹllemvueʹǩǩ-, materiaalʼlaž kulttuuräʹrbb- da pirrõsaaʹššid kuõskki tuʹtǩǩeemtoiʹmmjummuž di
- håiddad jeeʹres tåimmsuârggses kuulli tuâjaid.
Jieʹllemvueʹǩǩ- da vuõiggâdvuõttluʹvddkååʹdd čiõlǥteeʹjen tåimma Sääʹmteeʹǧǧ lääʹǩǩpiisar, jieʹllemvueʹǩǩ- da pirrõslääʹǩǩpiisar, pirrõspiisar di jieʹllemvueʹǩǩpiisar.
