Sämmiliih láá Euroop Union kuávlu áinoo algâaalmug. Sämmilij algâaalmug-sajattâh lii nanodum Suomâ vuáđulaavâst. Suullân 6 prooseent ubâ maailm aalmugist ađai 476 miljovn olmožid kuleh algâaalmugáid. Algâaalmugeh eleh 90 eres staatâ kuávlust.
Čääiti puohSämitige 21 jesânid já nelji värijeessân väljejuvvojeh sämmilij kooskâst jyehi niäljád ive olášuvvee vaaljâin. Sämitige čuákkim oovdâst Sämitige alemus meridemvääldi.
Čääiti puohSämitiggeest mij porgâp oles sämiaalmug pyerrin, vâi sämikielâin já -kulttuurist ličij eellimsaje meid puátteevuođâst.
Čääiti puohSämitigge muštâl toimâinis median já eres perusteijeid eereeb iärrás tiäđáttâsâin. Tiiláá Sämitige tiäđáttâsâid jieijâd šleđgâpoostân.
Čääiti puoh
Sämitigge oovded sämmilij jieijâs kielâ, kulttuur já jieijâskielâlâš máttááttâs.
Sämitige škovlim- já oppâmâteriaallävdikodde sehe škovlim- já oppâmâteriaaltoimâttâh tuáimih ohtsâšpargoin sämikuávlu kieldâiguin, eres škovliittâs uárnejeijeiguin, tave-eennâmlâš uábbiorgaanijguin já staatâ máttááttâshaldâttâssáin. Sämitigge oovdâst sämmilij jienâ škovlimpolitiikâst. Sämikielâ já kulttuur sajattâh máttááttâsâst lii ohtâ tehálumosijn sämmilij puátteevuođâ koččâmâšâin.
