Ǩiõllneäʹttel
Ǩiõllneäʹttel jäʹrjstet 20.–26.10.2025. Sääʹmteʹǧǧ kåčč pukid vuässõõttâd teemaneäʹttla da puʹhtted sääʹmǩiõlid õuʹdde teemaneäʹttel ääiʹj jeeʹres naaʹlivuiʹm õuddmiârkkân jäʹrjsteeʹl noorõõttmõõžžid, kampaanjid leʹbe ââʹnned sääʹmǩiõlid iʹlmmtõõzzin da teeʹkstin.
Mii lij Ǩiõllneäʹttel da tõn täävtõs?
Ǩiõllneäʹttel täävtõssân lij vuäǯǯad sääʹmǩiõlid vuâmmšõõzz, kuâsttjemvuõđ da kollʼjemvuõđ pukin õhttsažkååʹdd vueʹzzin Lääʹddjânnmest, Ruõccjânnmest da Taarrjânnmest. Sääʹmǩiõl liâ vääžnai oʹdinakai ǩiõllõõʹnnʼja, sääʹm-meeru da še lääʹdd õhttsažkådda. Sääʹmǩiõl tåimma saakkummuž neävvan da tõk liâ pieʹǩǩ identiteeʹtt, kulttuurääʹrb da õʹhttekuullmõõžž. Jiijjâs ǩiõl kuâsttjummuš arggpeeiʹvest lij vääžnai sääʹmǩiõli õõʹnnʼjid, sääʹmǩiõl sâjja, õʹhttekuullâmvuõđ tobddja. Sääʹmǩiõli kuâsttjummuš čuäʹjat še ǩiõl priimmʼmõõžž õhttsažkååʹddest. Ǩiõllneäʹttel lij riõššum eeʹjjest 2019 ääʹljeeʹl, täʹl vieʹttješ ÕM meeraikõskksa alggmeerai ǩiõli eeʹjj. Ǩiõllneäʹttel lij riõššum kålggmannu poodd neäʹttlest 43 tâʹl ääʹljeeʹl juõʹǩǩ eeʹjj. Sääʹmteʹǧǧ veekk čõõđ Ǩiõllneäʹttel õhttsažtuâjast Ruõcc da Taarr Sääʹmtiiʹǧǧin.
Mõn diõtt samai teeäst ka’nnat vuässõõttâs Ǩiõllneättla?
Tuäivvap, što Ǩiõllneättla vuässõõđi põʹhtte õlmmsa da vueiʹtlvažvuõđi mieʹldd âʹnne sääʹmǩiõl tåimmʼmõõžžâst ǩiõllneäʹttel poodd. Haaʹleep, što lääʹdd õhttsažkåʹdd mättai jäänab da pueʹrben fiʹttjed sääʹmǩiõlid, sääʹmkulttuur da sääʹm õhttsažkåʹddjieʹllem. Tän tuõjju taarbšet pukid mieʹldd. Vuässõõđeeʹl Ǩiõllneättla vueiʹttveʹted uʹvdded tueʹrj Lääʹdd da Euroopp Unioon oʹdinakai alggmeer säʹmmlai Lääʹddjânnmest mainstem tâʹvvsääʹm, aanarsääʹm da nuõrttsääʹmǩiõlid.
E’tǩǩõõzz aktivitee’tten Ǩiõllneäʹttel poodd
Ǩiõllneättla vuäitt vuässõõttâd määŋgnalla. Vuäitt ââʹnned vaalmâš materiaalid leʹbe riâššâd šõddmõõžžid. Ouddmiârk da teâđ materiaalin liâ vueʹlnn åårrai liistâst.
- Sääʹmǩiõl vuäǯǯa kuâsttjemvuõđ ââʹneeʹl ouddm. sääʹmǩiõllsaž vuäʹpstemkõõlbid. Vaalmâš vuäʹpstemkõõlb käunnʼje addrõõzzâst Vuäʹpstemkõõlb tâʹvv-, aanar- da nuõrttsääʹmǩiõʹlle di lääʹddǩiõʹlle
- Sääʹmǩiõllsa tiõrvʼvuõđ da meädda-åårramiʹlmmtõõzz neʹttpååʹštâânnmõʹšše
- Vuäitt ââʹnned sääʹmǩiõllsaž tiõrvʼvuõđid ouddm. kuultõõzzin, sosiaalʼlaž mediast, ǩeittsin da iʹlmmtõõzzin. Tiõrvʼvuõđ käunnʼje Sääʹnnǩeârjaž -ǩeeʹrjest.
- Kuáti.fi lij Sääʹmteeʹǧǧ tuõʹllʼjem sääʹm õuddpeâmm materiaalbaŋkk. Seiddõõzzâst käuʹnnʼje jm. speâl päärnaid.
- Teâđ säʹmmlain käuʹnnai seiddõõzzâst Oktavuohta lääddas.
- Ǩiõllneäʹttel plakatt, logo ja Snapchat-fiʹltter Ǩiõllneäʹttel seiddõs
- Tiõrvv’vuõd Kiõllneättla
Gu vuässõõttveʹted Ǩiõllneättla, tuäivvap tiʹjjid ââʹnnem Ǩiõllneäʹttel kuõskki õõlmtõõzzin, teâđtõõzzin da šõddmõõžži õhttvuõđâst teeʹmmstaanõõǥǥ #giellavahkku, #kielâokko leʹbe #ǩiõllneä’ttel Ǩiõllneäʹttel teeʹmmstaanõk lij jooʹtti eeʹjjest piiddâmsääʹm mieʹldd, koon ǩeeʹrjtemriâžldõk lij raavuum sääʹmǩiõlin emansa eeʹjjest 2019.Tuäivvap, što vuässõõttveʹted Ǩiõllneättla. Õõutveäkka vueiʹttep vuäǯǯad sääʹmǩiõlid kuâsttjemvuõđ da lââʹzzted teâttmõõžž sääʹmǩiõlin Ǩiõllneäʹttlest kålggmannust 2025!
Lââʹssteâđ:
Sääʹm ǩiõllaaʹššipiisar Marko Marjomaa teʹl. 050 438 2484 / 010 839 3183 marko.marjomaa(at)samediggi.fi
