Sámedikki čoahkkin

Sámedikki čoahkkin ovddasta Sámedikki bajimuš mearridanválddi. Dat čoahkkana 4–5 geardde jagis. Sámedikki čoahkkin mearrida váldooasis sámedikki addin cealkámušain, evttohusain ja eará oaiviliin.

Sámediggái gullet 21 lahtu ja njeallje várrelahtu, geat válljejuvvojit sámedikki válggas njealji jagi doaibmaáigodahkii, mii álgá válgajagi juovlamánu 1 beaivve. Sámedikkis galget leat unnimusat guokte lahtu ja okta várrelahtu Eanodaga, Anára ja Ohcejoga gielddas ja Soađegili gieldda Sámi bálgosa guovllus. Loahppa 13 lahtu válljejuvvojit jietnameari vuođul, dattetge nu, ahte unnimusat vihtta lahtu fertejit leat sápmelaččaid ruovttuguovllus. Sámedikki čoahkkin čoahkkana dábálaččat Sámekulturguovddáš Sajosis Anáris. Čoahkkimat leat almmolačča ja daid sáhttá čuovvut báikki alde parlameantasáles dahje Zoom webinára bokte. Parlameantasáles tulkonrusttegat leat guldaleaddjiid anus. Njuolggosáddagis lea maid vejolašvuohta guldalit dulkoma.

Čoahkkináššegirjjit