Vaal-luʹvddkåʹdd

Sääʹmteeʹǧǧ šiõtteem vaal-luʹvddkååʹdd tuâjjan lij valmštõõllâd da tiuʹddepiijjâd sääʹmteeʹǧǧ vaalid. Vaal-luʹvddkåʹdd ǩiõttʼtââll ooccmõõžžid vaal-loǥstõʹǩǩe, tuʹmmai ooʒʒi meârkkmõõžžâst tõõzz di rääjj vaal-loǥstõõǥǥ. Vaal-luʹvddkååʹdd tuâjaid kooll lââʹssen statistiikki raajjmõš jm. jiõnnvuõiggâdvuõttniiʹǩǩi di sääʹmǩiõli mainsteei meäʹrest.

Vaal-luʹvddkådda koʹlle saaǥǥjååʹđteeʹjj da kutt jeeʹres vuäzzla, koin juâkksast lij jiijjâs-i väärrvuäzzlaž. Vaal-luʹvddkååʹddest âʹlǧǧe leeʹd vuäzzlaž da väärrvuäzzlaž Aanar, Uccjooǥǥ da Jeänõõǥǥ kooʹddin di Suäʹđjel kååʹdd Lappi paalǥâskååʹdd vuuʹdest. Vaal-luʹvddkååʹddest âlgg še leeʹd sääʹm ǩiõll-lääʹjj (1086/2003) 3 § 1 pääiʹǩest jurddum sääʹmǩiõli äʹšštobddmõš.

Sääʹmteeʹǧǧ halltõõzz vuäzzlaž leʹbe väärrvuäzzlaž leʹbe muuttâsooccâmluʹvddkååʹdd vuäzzlaž leʹbe väärrvuäzzlaž ij vueiʹt leeʹd vaal-luʹvddkååʹdd vuäzzliʹžžen ij-ǥa väärrvuäzzliʹžžen.